Policia Kufitare bllokon 4 skafe në Sarandë, Vlorë dhe Durrës, gjobiten pronarët

10 muaj, 2 javë më parë - 29 Maj 2023, opinion
Policia Kufitare bllokon 4 skafe në Sarandë, Vlorë dhe Durrës, gjobiten pronarët
Teksa pritet të nisë sezoni turistik duket se policia kufitare ka shtuar kontrollet në zonat bregdetare për të rritur sigurinë detare.

Në një njoftim për mediat bëhet me dije se përgjatë vijës bregdetare nga Saranda deri në Velipojë, Policia Kufitare ka bllokuar 4 mjete lundruese (skafe), si dhe i kanë gjobitur drejtuesit e tyre me gjoba që variojnë nga 10 000 deri në 20 000 lekë të rinj, për mungesë të dokumentacionit në bord.

Gjithashtu, shërbimet e Policisë Kufitare kanë bllokuar dhe kanë sekuestruar 1 skaf me motorë të fuqishëm.

Konkretisht, në Sarandë dhe në Vlorë, Policia Kufitare ka bllokuar 3 mjete lundruese dhe ka ndëshkuar me masë administrative, nga 10.000 lekë të rinj secili, drejtuesit e këtyre mjeteve, për mungesë të dokumentacionit në bord.

Durrës, shërbimet e Policisë Kufitare kanë bllokuar një mjet lundrues dhe kanë ndëshkuar me masë administrative 20 000 lekë të rinj, drejtuesin e tij, për mungesë dokumentacioni.

Në liqenin e Shkodrës, shërbimet e Policisë Kufitare kanë bllokuar dhe kanë sekuestruar një mjet lundures skaf me 2 motorë të fuqishëm që dyshohet se mund të përdorej për trafiqe të paligjshme. Vijon puna për dokumentimin e plotë të këtij rasti.

Support Ukraine