Moti i keq shtyn nisjet e trageteve në Durrës dhe Vlorë

Dy tragete që duhet të niseshin mbrëmë për në Bari në orën 23:00, janë nisur vetëm sot në mëngjes me shtatë orë vonesë. Ata parashikohet që të mbërrijnë në Bari rreth orës 14:00.

Edhe në portin e Vlorës ka pasur probleme, ku si pasojë e motit të keq trageti i linjës Brindisi-Vlorë do të mbërrijë në Itali rreth orës 12:00 të paradites së sotme. Sipas kapitenerisë, moti është drejt përmirësimit, ku forca e dallgëve arrin 5 ballë në det të hapur dhe 3-4 ballë brenda gjirit.