‘Tapë në timon e shpejtësi skëterrë’/ ‘Rrugorja’ arreston 19 drejtues mjetesh, pezullohen 34 leje drejtimi

Mësohet se janë ndëshkuar me gjobë rreth 461 drejtues mjetesh për përdorimin e celularit gjatë drejtimit dhe për mosvendosjen e rripit të sigurimit dhe kaskës mbrojtëse.

Sakaq janë pezulluar 34 leje drejtimi.

Njoftimi i policisë:

Policia Rrugore e Tiranës

Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore si dhe për rritjen e parametrave të sigurisë rrugore, në kryeqytet.

• Gjatë javës që lamë pas 19 shtetas janë arrestuar dhe proceduar për drejtim automjeti, në gjendje të dehur ose pa leje drejtimi.
• 34 leje drejtimi janë pezulluar, për drejtim mjeti nën efektin e alkoolit, për shpejtësi tej normave të lejuara dhe për shkelje të tjera të Kodit Rrugor.
• Janë ndëshkuar me masë administrative 461 drejtues mjetesh, për përdorim të celularit gjatë drejtimit të mjeteve.
• 393 drejtues mjetesh janë ndëshkuar për mosdhënie përparësie këmbësorëve, në vija të bardha.
• 378 drejtues mjetesh janë ndëshkuar për mosvendosje të rripit të sigurimit.
• Janë vendosur 208 masa administrative, për mosvendosje të kaskës mbrojtëse dhe mospërdorim të jelekëve fosforeshent, nga drejtuesit e motomjeteve.
• Gjithashtu, vëmendje e veçantë gjatë kësaj jave është kushtuar për mosrespektimin e tabelës “Stop” dhe për këtë shkelje janë vendosur 58 masa administrative.

Aksidentoi për vdekje studentin dhe u largua/ Detaje të reja nga hetimet për Konsullin e Nderit të Bullgarisë në Shqipëri

Detaje të reja kanë dalë në dritë nga seanca gjyqësore e kësaj të hëne, ku togat e zeza lanë në “arrest me burg” Aristidh Dimon, Konsullin e Nderit të Bullgarisë në Shqipëri i cili akuzohet se ka aksidentuar për vdekje, me automjetin e tij, një 20-vjeçar pak ditë më parë në Unazën e qytetit të Elbasanit.

Aristidh Dimo vazhdon të mos pranojë faktin se është ai autori i kësaj ngjarje.

Por një burim nga grupi hetimor ka treguar për ‘Panorama TV’ se “është një punë voluminoze hetimore që ka hedhur dritë mbi atë që e akuzon Aristidh Dimon lidhur me autorësinë e ngjarjes ku u aksidentua për vdekje studenti Fiori Sula në përpjekje për të kaluar rrugën”.

Puna e bërë nga grupi hetimor pretendohet se është e pakundërshtueshme. Kjo dhe nga përgjimet telefonike që ka kryer grupi hetimor nga momenti pas aksidentit tragjik deri në momentin kur Konsulli ka hyrë në pikën kufitare të Qafë Thanës. Të dhënat tregojnë të kundërtën me atë që ka deklaruar Konsulli i Nderit në polici.