Aksident në Lezhë/Përplasen 4 makina pranë një karburanti, dy të lënduar

Aksidenti ka ndodhur në lagjen “Gurra” pranë një karburanti. 

Katër automjetet janë përplasur me njëra-tjetrën, e për pasojë kanë mbetur të lënduar 2 persona të cilët u dërguan në spital për ndihmë mjekësore. 

Në vendngjarje shkoi policia dhe nisi hetimet për zbardhjen e dinamikës dhe rrethanave të aksidentit. 

Aksident në Lushnjë, makina përplas një endacak dhe largohet nga vendngjarja 

Një aksident ka ndodhur në aksin rrugor Tre ura Garbjan. 

Një endacak është përplasur nga një mjet, që pas goditjes ka ikur nga vendngjarja. 

I aksidentuari, rreth të 60-tave, është transportuar në spital për të marrë ndihmë, ndërsa fatmirësisht është jashtë rrezikut për jetën. 

Policia është në vendngjarje, po punon për identifikimin e mjetit. Dyshohet se mund të ketë qenë furgon, nga pjesët që kanë ngelur në vendngjarje. 

“9180 gjoba në 1 javë”, Policia Rrugore e Tiranës bën bilancin

Policia Rrugore e Tiranës ka bërë bilancin e javës përsa i përket arrestimeve, procedimeve, masave administrative, si dhe pezullimeve apo bllokimeve të mjeteve. Konkretisht:

Arrestime dhe Procedime:

• 8 persona janë arrestuar për vepra penale në fushën e qarkullimit rrugor, duke përfshirë:
• 5 për drejtim mjeti në gjendje të dehur,
• 2 për drejtim mjeti pa leje drejtimi,
• 1 për korupsion aktiv.

Masat Administrative:

• Gjithsej 9,180 masa janë vendosur, me fokus të veçantë:
• Parandalimin e tejkalimit të shpejtësisë,
• Përdorimin e rripit të sigurimit dhe kaskës mbrojtëse,
• Respektimin e këmbësorëve dhe rregullave të parkimit.

Pezullime dhe Bllokime:

• 39 masa që përfshijnë pezullim të lejes së drejtimit,
• 11 automjete janë bllokuar për arsye të ndryshme, duke përfshirë verifikime dhe detyrime të palikuiduara.