“Rregulla për disa, kaos për të tjerët” – Linjat e transportit interurban në Vlorë në protestë kundër konkurrencës së paligjshme: Shkelje me targë të verdhë, vjedhje me leje

Drejtuesit e autobusëve që bëjnë linjat me Tiranën, Beratin, Elbasanin, Sarandën edhe qytete të tjera kanë pezulluar aktivitetin e tyre.

Ata kërkojnë ndërprerjen e menjëhershme të aktivitetit të paligjshën, zbatimin e ligjit dhe kontrolle reale në terren si edhe mbrojtjen e operatorëve të licencuar dhe të shërbimit publik të trasportit.

Po ashtu, kërkojnë dhe ndërtimin e terminalit, pasi sipas tyre, Vlora mbetet i vetmi qytet që ende se ka një të tillë.

 “8+1 nuk është linjë, kaos i ligjshëm?”, “Për furgonat 8 plus 1 që punojnë linjë dhe parkohen në Tiranë. Linjë pa terminal, parkim në qytet. Rregulla për disa, kaos për të tjerët.”

“Furgonat në linjë, shteti në gjumë. 21 dhjetori nuk është terminal. 8 plus 1 nuk është autobus. Vetëm Vlora lejohet, pse?”

“Stop piraterisë në transport”, “Shkelje me targë të verdhë baraz me vjedhje me leje.”, janë disa nga pankartat që mbajnë protestuesit.