Vlorë/ Merr flakë makina “Ford”, shpëton mrekullisht 22-vjeçari
Në mesditën e sotme është djegur një makinë në fshatin Panaja të Vlorës.
Burime nga policia lokale kanë bërë të ditur se rreth orës 14:10, në Sallën Operative Vlorë ka ardhur një telefonatë se në aksin rrugor Novoselë-Vlorë, tek mbikalimi në Panaja, ka marrë flakë një makinë.
Policia së bashku me shërbimin zjarrfikës kanë shkuar në vendngjarje duke bërë të mundur fikjen e zjarrit.
Nga verifikimi paraprake ka rezultuar se ka qenë mjeti tip "Ford Focus", me targë AA 875 NV, i djegur pothuajse pjesërisht, me drejtues mjeti shtetasin E.A., 22 vjeç, banues në Risili, Vlorë.
Fatmirësisht nga zjarri në automjet nuk ka persona të dëmtuar.
Ndërkohë që grupi hetimor po punon për zbardhjen e plotë të shkakut të rënies së zjarrit në automjet.
Lajmet përkatëse
