E reja me Porsche përplas një makinë, përfundon në spital drejtuesi i saj

E reja me Porsche përplas një makinë, përfundon në spital drejtuesi i saj

Një 20-vjeçare me iniciale A.M. është arrestuar nga policia pasi duke drejtuar një automjet tip “Porsche” ka përplasur një makinë. Si pasojë e aksidentit është dëmtuar drejtuesi i makinës, shtetasi me inicialet A.M. Ai është dërguar në spital dhe ndodhet nën kujdesin e mjekëve.

“Nga specialistët e Qarkullimit Rrugor u bë arrestimi në flagrancë i shtetases: A. M., 20 vjeçe, pasi duke drejtuar mjetin tip “Porsche” ka përplasur mjetin me drejtues shtetasin A. M. Si pasojë është dëmtuar shtetasi A. M, i cili ndodhet në spital, nën kujdesin e mjekëve.

Materialet i kaluan Prokurorisë së Rrethit Gjyqësor Tiranë, për veprime të metejshme”, thuhet në njoftimin e policisë.

Shpejtësi deri në 183 km/h, policia angazhon forcat “Shqiponja”

Policia e Shtetit informon për një fluks të lartë automjetesh në rrugët nacionale në kthim nga zonat bregdetare, ndërsa bën me dije se ka shtuar kontrollet duke angazhuar edhe forcat “Shqiponja”.

“Fluks i lartë i automjeteve në akset rrugore nacionale në kthim nga  zonat bregdetare drejt Tiranës dhe Morinës.  Policia e Shtetit ka shtuar shërbimet policore në të gjitha rrugët interurbane dhe urbane, duke angazhuar krahas shërbimeve të Policisë Rrugore edhe patrullat e Përgjithshme dhe Forcat “Shqiponjat”, njofton policia.

Raportohet se janë penalizuar disa drejtues mjetesh për qarkullim me shpejtësi të lartë apo drejtim të mjetit në gjendje të dehur.

“Gjatë 24 orëve të fundit nga shërbimet e Policisë Rrugore në të gjithë vendin janë arrestuar në flagrancë 11 drejtues mjetesh dhe motomjetesh, nga të cilët 7 për drejtim mjeti në gjendje të dehur dhe 4 për drejtim mjeti pa leje drejtimi . Janë pezulluar 60 Leje drejtimi, nga të cilat 40 për shpejtësi mbi normat e lejuara, shpejtësi që varionin deri në 183 km/h në Baypassin e Fierit, 161 në rrugën interurbane Tiranë –Elbasan  në Bërzhitë dhe shpejtësi nga 135 deri në 149 në shumë akse të tjera të vendit  dhe 20 Leje drejtimi,për drejtim mjeti nën efektin e alkoolit apo në gjendje të dehur, si dhe janë ndëshkuar me masë administrative, në të gjithë vendin, 1606 drejtues mjetesh, për shkelje që sjellin pasoja në jetën dhe shëndetin e përdoruesve të rrugës.”, thuhet në njoftim.

Aksident në Lungomare, makina godet motorin dhe e nxjerr jashtë rruge

Një aksident i rëndë është shënuar të shtunën në darkë në zonën e Lungomares në Vlorë.

Një makinë ka përplasur një motor, duke e nxjerrë jashtë rruge.

Drejtuesi i motorit është dërguar me urgjencë në spitalin e Vlorës, ndërsa ende nuk dihet gjendja e tij shëndetësore.

Policia ka shkuar në vendngjarje dhe po punon për zbardhjen e plotë të rrethanave të aksidentit.