Lezhë/ Makina humb kontrollin dhe përmbyset në rrugë, shoferja në gjendje të rëndë në spital

Lezhë/ Makina humb kontrollin dhe përmbyset në rrugë, shoferja në gjendje të rëndë në spital

Një automjet ka humbur kontrollin e për pasojë është përmbysur në rrugë. Aksidenti ka ndodhur në aksin rrugor Lezhë-Laç.

Si pasojë e këtij aksidenti, është plagosur drejtuesja e mjetit. Ajo është dërguar në spital në gjendje të rëndë shëndetësore, ndërkohë, Policia ka shkuar në vendngjarje dhe po punon për zbardhjen e plotë të aksidentit.

Njoftimi i policisë:

Rreth orës 07:50, në rrugën e fshatit Pllanë, Lezhë në afërsi të shkollës, mjeti me drejtuese akoma të paidentifikuar ka dalë nga rruga dhe është përmbysur, ku si pasojë ka marrë dëmtime drejtuesja e mjetit dhe është transportuar në spitalin Rajonal Lezhë. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.

Makina merr flakë në ecje e sipër te rrethrrotullimi i Selitës, shpëton mrekullisht shoferi

Një automjet është përfshirë nga flakët në ecje e sipër në rrethrrotullimin e Selitës në kryeqytet.

Sipas policisë, e cila ka shkuar menjëherë në vendin e ngjarjes, si pasojë e flakëve ka pasur vetëm dëme materiale, ndërsa fatmirësisht nuk ka pasur të lënduar në njerëz.

Blutë kanë nisur hetimet për ngjarjen, ndërsa paraprakisht dyshohet se shkak është bërë një defekt në sistemin motorrik të mjetit.

Njoftimi i Policisë së Tiranës:

Me datë 14.02.2022, rreth orës 07:45, te rrethrrotullimi në Selitë, ka marrë flakë në lëvizje e sipër dhe është djegur plotësisht, mjeti me drejtues shtetasin M. B., dhe si pasojë ka vetëm dëme materiale. Paraprakisht dyshohet se zjarri ka rënë si pasojë e një defekti në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.

Aksident te “Don Bosko” në Tiranë/ Makina përplas 17-vjeçarin, shoferi braktis mjetin

Një aksident ka ndodhur mëngjesin e kësaj të hëne në Tiranë, ku një makinë ka përplasur një 17 vjeçar, ndërsa shoferi ka braktisur mjetin dhe është arratisur nga vendi i aksidentit.

Si pasojë e aksidentit, 17-vjeçari është dëmtuar dhe ndodhet në spital nën kujdesin e mjekëve, ndërsa grupi hetimor po punon për identifikimin dhe kapjen e autorit, dhe sqarimin e rrethanave të aksidentit.

Njoftimi i Policisë:

Tiranë/Informacion paraprak

Më datë 14.02.2022, rreth orëve të para të mëngjesit, në “Don Bosko”, një mjet me drejtues ende të paidentifikuar, ka aksidentuar këmbësorin shtetasin M. B., 17 vjeç, dhe më pas drejtuesi i mjetit ka braktisur mjetin dhe është larguar nga vendi i ngjarjes. Si pasojë e aksidentit, 17-vjeçari është dëmtuar dhe ndodhet në spital nën kujdesin e mjekëve. Grupi hetimor po punon për identifikimin dhe kapjen e autorit, dhe sqarimin e rrethanave të aksidentit.

Dy mjete përplasen me njëra-tjetrën në hyrje të Kuçovës, njëri përfundon në kanal

Një aksident është regjistruar  sot në hyrje të qytetit të Kuçovës,në Meteor. Dy automjetet njëri tip Golf me targa AB 721 AP dhe tjetra Seat Ibiza Me targa AA 466 GC, janë përplasur dhe si pasojë e goditjes,mjeti Seat Ibiza ka dalë nga rruga dhe ka përfunduar i përmbysur në kanal.

Mësohet se mjetet kanë qënë duke qarkulluar në të njëjtin sens,por ende nuk dihet se si ka ndodhur goditja mes tyre,pasi në momentin e aksidentit ka qënë duke rënë një breshër i fortë.Fatmirësisht aksidenti ka shënuar vetëm dëme të mëdha materiale,ndërkohë që çifti që ndodhej në mjetin tip Golf dhe drejtuesi i mjeti tip Seat kanë dalë pa lëndime nga mjetet.

Në vendngjarje kanë shkuar efektivë të shumtë të policisë rrugore,që po kryejnë edhe kryqrjen e vendit të aksidentit,për të zbuluar edhe dinamikën e tij.Burimet policore në vendngjarje nuk konfirmojnë ende se cili prej mjeteve ka shkaktuar aksidentin,ndërkohë që mendohet se shkak mund të ketë qënë edhe koha e keqe dhe lagështira në rrugë,edhe pse nuk përjashtohet edhe shpejtësia me të cilën kanë qënë duke qarkulluar të dyja mjetet.

Vodhi makinën dhe u zhduk pas aksidentit, kapet i riu në Vlorë

Dy persona janë prangosur nga blutë e Vlorës,  pasi akuzohen për vepra të ndryshme penale. Në njoftimin e Policisë së Vlorës bëhet me dije se A. J., 29 vjeç, banues në Vlorë, pasi Gjykata e Rrethit Gjyqësor Vlorë me vendimin e datës 11.01.2022, i  ka vendosur masën e sigurisë “Arrest me burg” për kryerjen e veprave penale “Drejtimi automjeteve në mënyrë të parregullt”, ” Largimi nga vendi aksidentit”, ” Vjedhja”. 29-vjeçari më 29 dhjetor të vitit të kaluar ka vjedhur një automjet dhe duke u larguar, tek Rruga e “Cipajve”, lagjia Pavarsia 3, ka përplasur një automjet tjetër dhe ka braktisur vendin e ngjarjes. Ndërsa një 36-vjeçare me inicialet E.H., është arrestuar pasi akuzohet për drejtimin e automjeve në mënyrë të çrregullt.

Specialistët e Hetimit të Krimit në Komisariatin e Policisë Vlorë bënë kapjen dhe ndalimin e shtetasit të shpallur në kërkim A. J., 29 vjeç, banues në Vlorë, pasi Gjykata e Rrethit Gjyqësor Vlorë me vendimin e datës 11.01.2022, i  ka vendosur masën e sigurisë “Arrest me burg” për kryerjen e veprave penale “Drejtimi automjeteve në mënyrë të parregullt”, ” Largimi nga vendi aksidentit”, ” Vjedhja”. Ndalimi i këtij shtetasi u bë pasi më datë  29.12.2021, ka vjedhur një automjet dhe duke u larguar,  tek Rruga e “Cipajve”, lagjia Pavarsia 3, ka përplasur një automjet tjetër dhe ka braktisur vendin e ngjarjes. Në pranga u vu shtetasja E.H36 vjeçe për veprën penale ‘drejtim i automjeteve në mënyrë të çregullt’.