Punonte kamionist/ Del fotoja e viktimës që humbi jetën në aksidentin tragjik te ‘Rruga e Arbrit’

Gazeta Shqiptare ka arritur të sigurojë foton e një prej viktimave, bëhet  fjalë për Kujtim Istrefin i  cili punonte si kamionist.

Aksidenti në fjalë ndodhi pas përplasjes së mjetit ku udhëtonte familja Istrefi me automjetin tip Benz, ku udhëtonin vëllezërit Mërgim dhe Edison Lazri.

Sakaq mesditën e sotme, policia ka arrestuar Edison Lazrin i cili momentalisht ndodhet në spitalin e Traumës si pasojë e plagëve të marra.

Përplasen tri automjete në Lezhë, zbardhen shkaqet

Tri automjete u përfshinë në një aksident në afërsi të Ishull Lezhë pranë një pike karburanti.

Paraprakisht sipas policisë lokale përplasja ndodhi për shkak të mos respektimit të distancës mes automjeteve lëvizëse.

Makinat e përfshira në aksident fatmirësisht nuk shkaktuan të dëmtuar rëndë, ndërsa trafiku i rënduar detyroi policinë të devijonte trafikun.

Aksidenti te ‘Rruga e Arbrit’/ Autoritetet arrestojnë pranë ‘Traumës’ Edison Lazrin

Pas aksidentit me tre viktima në ‘Rrugën e Arbrit‘, autoritet kanë arrestuar Edison Lazri.

Burime për median bëjnë me dije se Lazrit i është komunikuar masa e “arrestit me burg” në spitalin e Traumës ku ndodhet për mjekim.

Kujtojmë se në këtë aksident viktima ishin shtetasit Kujtim Istrefi, Murat Istrefi, Lulëzime Istrefi ndërsa të plagosurit Mërgim Lazri, Edison Lazri, Firuze Istrefi dhe Kadrie Markeçi.

Aksident në Vlorë/ 30-vjeçari përplas me ‘Ford’ të moshuarin

Një aksident rrugor ka ndodhur në Vlorë, ku i plagosur ka mbetur një 70-vjeçar.

Mësohet se ngjarja ka ndodhur në vendin e quajtur ‘Ish-agjencia e vjetër’, ku shtetasi me iniciale M. B., 30 vjeç ka përplasur me automjetin e tij ‘Ford’ të moshuarin.

Raportohet se i plagosuri është dërguar në spital dhe ndodhet nën kujdesin e mjekëve.

Njoftimi i policisë:

Vlorë/Informacion paraprak

Rreth orës 12:00, në rrugën “Gjergj Kastrioti”, në vendin e quajtur “Ish-agjencia e vjetër”, shtetasi M. B., 30 vjeç, duke drejtuar automjetin tip “Ford”, ka aksidentuar shtetasin K. V., rreth 70 vjeç, i cili lëvizte me biçikletë. Për shkak të dëmtimeve të marra, 70-vjeçari është dërguar në spital dhe ndodhet nën kujdesin e mjekëve.

Gjithashtu, drejtuesi i automjetit, shtetasi M. B. është shoqëruar në ambientet e Policisë së Vlorës, për kryerjen e veprimeve të mëtejshme procedurale.

Grupi hetimor po punon për zbardhjen e plotë të rrethanave të aksidentit.

Aksident në Maminas, plagoset shoferi dhe një 15-vjeçar

Një aksident rrugor ka ndodhur në Maminas, ku për pasojë kanë mbetur të plagosur dy persona.

Mësohet se shtetasi me iniciale A. S., 41 vjeç, ka përplasur motomjetin e shtetasit V. H., 30 vjeç, ku për pasojë ka marrë lëndime drejtuesi i mjetit dhe pasagjeri.

Të plagosurit ndodhen në spital nën kujdesin e mjekëve.

Njoftimi i policisë:

Shtetasi A. S., 41 vjeç, ka përplasur motomjetin me drejtues shtetasin V. H., 30 vjeç në Maminas.

Si pasojë e përplasjes, janë dëmtuar shtetasit V. H. dhe shtetasi i mitur K. R., 15 vjeç (pasagjer në motomjet), të cilët ndodhen në spital, në kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit.

Aksidenti tragjik në Bulqizë/ Flet banori i zonës: Erdha me eklektik dore për t’i ndihmuar por ata kishin vdekur, makinat ecnin me shpejtësi

Një aksident tragjik me tre viktima ka ndodhur mbrëmjen e djeshme në aksin Bulqizë-Maqellarë, ku të plagosur mbetën dhe katër të tjerë.

Viktimat e këtij aksidenti ishin shtetasit Kujtim Istrefi, Murat Istrefi, Lulëzime Istrefi ndërsa të plagosurit Mërgim Lazri, Edison Lazri – 29 vjeç, Firuze Istrefi dhe Kadrie Markeçi.

Pas ngjarjes autoritet kanë filluar të heqin nga rruga automjetet e përfshira në aksidentin tragjik, ku një prej banorëve të zonës ka treguar detaje rreth aksidentit.
Ai ka rrëfyer se pasi kishte marrë vesh për aksidentin, ai së bashku me dy persona të tjerë kishin shkuar për t’u përpjekur të ndihmonin, por nuk kishin arritur të bënin gjë për personat që ndërruan jetë, raporton gazeta Express.

“Erdha me elektrik për të parë nëse kishte një njeri që duhej ndihmuar. Por ata që kishin vdekur nuk i nxirrja dot sepse ishin poshtë makinës. Në këtë rrugë, makinat ecin me shpejtësi shumë të lartë. Në momentin kur e morëm vesh për aksidentin, unë së bashku me dy miqtë e mi dolëm për të ndihmuar por nuk mund të bënim gjë. Përplasja ishte shumë e fortë”, tha banori.