Aksident i rëndë/ Përplasen dy automjete, humb jetën një 29-vjeçar, plagoset një tjetër

Policia e Tiranës informon se automjeti me drejtues shtetasin O. N., rreth 35 vjeç është përplasur me automjetin me drejtues shtetasin M. Sh., rreth 29 vjeç. Për pasojë ky i fundit ndërroi jetën, ndërsa pasagjeri që ndodhej me 29 vjecarin është transportuar në spital.

“Rreth orës 16:55, në vendin e quajtur “Shkalla e Tujanit” automjeti me drejtues shtetasin O. N., rreth 35 vjeç është përplasur me automjetin me drejtues shtetasin M. Sh., rreth 29 vjeç.

Si pasojë ka humbur jetën 29-vjeçari, si dhe është dëmtuar pasagjeri po në këtë automjet shtetasi H. L., rreth 25 vjeç, i cili ndodhet në spital, nën kujdesin e mjekëve”, thote policia.

Nderkohe grupi hetimor ndodhet në vendngjarje dhe po punon për sqarimin e rrethanave të aksidentit.

Përplasi me makinë punonjësin e Ministrisë së Jashtme teksa kalonte rrugën, arrestohet shoferi 62-vjeçar

Është arrestuar 62-vjeçari i cili një ditë më parë përplasi para Ministrisë së Jashtme një prej punonjësve të ministrisë, teksa ky i fundit ishte duke kaluar rrugën.

Sipas policisë, në pranga ka rënë shtetasi me iniciale H.K., ndërsa i lënduar ka mbetur shtetasi me iniciale B. H., 28 vjeç.

Mësohet se 28-vjeçari ndodhet në spital, në kujdesin e mjekëve dhe jashtë rrezikut për jetën.

“Arrestohet shtetasi H. K., 62 vjeç, pasi ditën e djeshme, në bulevardin “Zhan D’ark”, ka aksidentuar shtetasin B. H., 28 vjeç, këmbësor, i cili ndodhet në spital, në kujdesin e mjekëve”, njofton policia.

Aksident në Vlorë, automjeti përplas nënë e bijë, transportohen me urgjencë në spital

Një aksident rrugor është regjistruar këtë të enjte në lagjen “Lef Sallata” të qytetit të Vlorës, ku një automjet ka përplasur një grua 29-vjeçare dhe vajzën e saj të mitur, vetëm 5 vjeçe.

Sipas informacioneve paraprake, mjeti që shkaktoi aksidentin po lëvizte me marshin indietro në momentin kur ka ndodhur përplasja.

Të dyja të plagosurat u transportuan menjëherë në spital për ndihmë mjekësore. Fatmirësisht, mësohet se gjendja e tyre shëndetësore është e stabilizuar dhe jashtë rrezikut për jetën. Pas trajtimit, ato janë larguar drejt banesës së tyre.

Policia po punon për sqarimin e plotë të rrethanave të aksidentit.

Njoftimi i policisë:

Drejtoria Vendore e Policisë Vlorë

Specialistët e Seksionit të Trafikut Urban dhe Interurban Vlorë referuan materiale në Prokurori dhe nisën procedimin penal për shtetasin L. Xh., 30 vjeç, banues në Vlorë, pasi duke kryer manovrën indietro, në lagjen “Lef Sallata”, ka aksidentuar shtetasen P. M., 29 vjeçe, dhe vajzën e saj të mitur 5-vjeçare, të cilat pas ndihmës mjekësore në spital, janë larguar për në banesë.

Materialet iu referuan Prokurorisë, për veprime të mëtejshme.

Përplasen dy automjete në aksin Fushë Krujë-Tiranë, humbet jetën e moshuara

Një aksident i rëndë me pasojë vdekjen është regjistruar në orët e para të mëngjesit të sotëm në aksin rrugor Fushë Krujë – Tiranë, në afërsi të Urës së Tapizës.

Ngjarja ka ndodhur rreth orës 06:10, ku janë përplasur dy automjete. Sipas njoftimit të Policisë, një nga automjetet drejtohej nga shtetasi V. Z., 33 vjeç, ndërsa automjeti tjetër nga shtetasja L. M., 69 vjeçe.

Përplasja fatale i mori jetën 69-vjeçares, ndërsa drejtuesi tjetër, V. Z., është shoqëruar në Komisariatin e Policisë për veprime të mëtejshme hetimore.

Grupi hetimor ndodhet në vendin e ngjarjes dhe po punon për të zbardhur rrethanat e aksidentit.

Njoftimi i policisë:

Rreth orës 06:10, në Tapizë, automjeti me drejtues shtetasin V. Z., 33 vjeç, është përplasur me automjetin me drejtuese shtetasen L. M., 69 vjeçe.

Si pasojë e përplasjes ka humbur jetën 69-vjeçarja, ndërkohë shtetasi V. Z, është shoqëruar në Komisariat, për veprime të metejshme.

Grupi hetimor ndodhet në vendngjarje dhe po punon për zbardhjen e rrethanave të aksidentit.

Aksident në aksin Kukës-Krumë, plagosen dy shoferë dhe një pasagjere! Ja si është gjendja e tyre

Një aksident me tre të plagosur ka ndodhur pasditen sotme në aksin rrugor “Kukës - Krumë”.

Sipas informacioneve paraprake, automjeti me drejtues shtetasin me iniciale M.H, është përplasur me automjetin me drejtues shtetasin me iniciale V.T., ku kanë mbetur të lënduar të dy ata dhe një pasagjere.

Policia bën me dije se ta janë dërguar në spital për ndihmë mjekësore dhe ndodhen jashtë rrezikut për jetën.

Kukës/Informacion paraprak

Në aksin rrugor “Kukës - Krumë”, automjeti me drejtues shtetasin  M.H, është përplasur me automjetin me drejtues shtetasin V.T.

Si pasojë e përplasjes janë dëmtuar të dy drejtuesit e automjeteve dhe pasagjerja shtetasja A.A, të cilët ndodhen në spital, në kujdesin e mjekëve, jashtë rrezikut për jetën.

Grupi hetimor po punon për sqarimin e rrethanave dhe shkakut të aksidentit.