Aksident në hyrje të tunelit të Murrizit, plagosen 4 persona

Një 19 vjeçar ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë janë dëmtuar drejtuesi i automjetit dhe 3 pasagjerët të cilët po marrin ndihmë mjekësore në Spitalin Universitar Tiranë.

Drejtonin mjetin nën efektin e alkoolit, vihen në pranga 3 shtetas në Tiranë

Policia e Tiranës ka vënë në pranga tre punonjës pasi janë konstatuar se drejtonin mjetin në gjendje të dehur. Një 34 vjeçar ka përfunduar në pranga pasi dyshohet se në gjendje të dehur, mjeti i tij ka dalë nga rruga dhe është përplasur me trafikndarësen. Ndërkohë në pranga ka përfunduar edhe një 40 vjeçar për të njëjtën vepër penale, drejtim i mjetit në gjendje të dehur.

Një shtetas tjetër 48 vjeçar nën efektin e alkoolit ka përplasur një automjet tjetër ku për pasojë janë dëmtuar të dy drejtuesit e mjetit si dhe dy pasagjerët.

“Specialistët e qarkullimit rrugor arrestuan shtetasit:

-N. H., 34 vjeç, pasi dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga dhe është përplasur me trafikndarësen. 34-vjeçari ka kundërshtuar shërbimet e Policisë, për kryerjen e testit të alkoolit, kështu që i është marrë mostër biologjike, për të kryer verifikimet e mëtejshme;

-R. K, 40 vjeç, pasi u kap duke drejtuar motomjetin, në gjendje të dehur;

-G. Ç., 48 vjeç, pasi me automjetin që e drejtonte në gjëndje të dehur, ka përplasur automjetin me drejtuese shtetasen L. M., 45 vjeç. Si pasojë, janë dëmtuar 2 drejtuesit e automjeteve dhe 2 pasagjerë në automjetin me drejtuese shtetasen L. M.. Të dëmtuarit janë jashtë rrezikut për jetën.”

Makina përplas kalimtarin në Fushë Krujë

Një person ka mbetur i  lënduar pranë vendit të quajtur Ura Gjole në aksin e rrugës Fushë Krujë-Vorë.

Një kalimtar ka tentuar të kalojë nga njëri krah në tjetrin, ndërsa është goditur nga një makinë.

I plagosuri është dërguar për ndihme mjekësore. Policia dhe grupi hetimor ndodhen në vendngjarje.