Përmbyset autoboti me naftë në Qafë-Thanë, merr flakë automjeti nga nxehtësia e gomave

Uniformat blu bëjnë me dije se një autobot i ngarkuar me naftë, me drejtues shtetasin moldav A.B. ka  humbur kontrollin dhe është përmbysur në rrugë, duke shkaktuar rrjedhje nafte.

Nafta që ka rrjedhur në rrugë ka krijuar probleme në rrugë, ku një automjet  tip “Hyundai”, ka marrë flakë, për shkak të nxehtësisë së gomave.

“Rreth orës 16:00, në aksin rrugor Qafë Thanë-Prrenjas, shtetasi moldav A. B., duke drejtuar një autobot të ngarkuar me naftë, ka humbur kontrollin dhe për pasojë autoboti është përmbysur, duke shkaktuar rrjedhje të naftës në rrugë.

Automjeti tip “Hyundai”, që drejtohej nga shtetasi D. V., duke kaluar në këtë rrugë, për shkak të nxehtësisë së gomave, ka marrë flakë.

Shërbimet e Qarkullimit Rrugor dhe grupi hetimor ndodhen në vendngjarje, për menaxhimin e qarkullimit të automjeteve, si edhe vijon puna për përcaktimin e rrethanave të aksidentit dhe shkakun e marrjes flakë të automjetit “Hyundai””, tha policia.

Fier/ Merr flakë makina në lëvizje, shpëton mrekullisht familja

Një automjet ka marrë flakë ditën e sotme teksa lëvizte në autostradën Levan-Tepelenë.

Sipas uniformave blu, dyshohet se mjeti me drejtues E.P. ka  marrë flakë për shkak të një defekti.

Mësohet se drejtuesi i mjetit që udhëtonte me familjen ka ndaluar sapo ka pikasur tymin që dilte nga pjesa e përparme e automjetit.

Policia bën me dije se nga incidenti i ndodhur janë shkaktuar vetëm dëme materiale.

“Rreth orës 15:20, në aksin rrugor “Levan-Tepelenë”, në fshatin Bejar, ka marrë flakë, në ecje e sipër, automjeti tip “Benz” me drejtues shtetasin E. P.

Nga  flakët janë shkaktuar vetëm dëme materiale. Paraprakisht dyshohet se zjarri ka rënë për shkak të një defekti në mjet”, tha policia.

Grupi hetimor po punon për sqarimin e plotë të rrethanave të ngjarjes.

Makina përplas për vdekje gruan në Fushë Krujë, drejtohej nga një 16-vjeçar

Një aksident me vdekje është raportuar ditën e sotme në Fushë Krujë. Sipas policisë, një 65-vjeçare humbi jetën mëngjesin e kësaj të enjte pasi u përplas nga një makinë.

Policia ka njoftuar se në lidhje me këtë ngjarje ka arrestuar shoferin e makinës që shkaktoi aksidentin, i cili është një 16-vjeçar.

“Shërbimet e Qarkullimit Rrugor Krujë kanë bërë identifikimin dhe kapjen e drejtuesit të automjetit, i cili është një shtetas 16 vjeç, banues në Krujë.

Në vijim të veprimeve, pas konsultimit me prokurorin e gatshëm, u bë arrestimi i 16-vjeçarit, për veprat penale “Shkelja e rregullave të qarkullimit rrugor” dhe “Largimi nga vendi i aksidentit””, njoftoi policia.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.