Si rezultat i përplasjeve, automjeti tip “Range Rover” ka humbur kontrollin dhe ka goditur tabelën elektronike të një karburanti.
Si rezultat i aksidentit, drejtuesi i automjetit dhe një pasagjer kanë marrë lëndime dhe janë nën kujdesin e mjekeve në spitalin e Lushnjës.
Goditja ka qenë tepër e fortë aq sa ka shkatërruar totalisht tabelën elektronike, e cila fatmirësisht ka ruajtur mjetin duke mos e lejuar të përplaset me aparaturat e shpërndarjes së karburantit.
Pa lëndime serioze kanë shpëtuar fatmirësisht drejtuesit e mjeteve të tjera të përfshira në aksident, një “Audi” dhe një furgon.
Nga të dhënat paraprake, dyshohet se shkak i përplasjeve të mjeteve ka qenë shpejtësia e lartë dhe manovra të gabuara në parakalim. Policia në vendngjarje po punon për zbardhjen e plotë të shkaqeve të aksidentit, që fatmirësisht nuk shkaktoi një tragjedi më rast të goditjes së pikës së karburantit.
Merr flakë automjeti në autostradën Levan – Tepelenë, dyshimet e para
Një automjet ka marr flakë në ecje pasditen e sotme në autostradën Levan – Tepelenë në afërsi të Kthesës së Poçemit.
Burime nga Drejtoria e Policisë Vendore pohuan se makina ka qen në lëvizje . Drejtuesi i automjetit kur ka parë tymin në pjesën para makinës ka hapur krahun e ka ndaluar mjetin duke njoftuar policinë.
Kanë qenë forca të policisë dhe zjarrfikëseve që kanë shkuar në vendngjarje për të shuar flakët në automjet dhe për të përcaktuar rrethanat se përse ka ndodhur zjarri, ndërsa mësohet se ka pasur vetëm dëme materiale.
Makina përplaset me motorin në Elbasan, dy persona të lënduar, transportohen në spital
Një aksident me dy të lënduar ka ndodhur sot në Elbasan, në lagjen “Dyli Haxhire, ku një mjet është përplasur me një motor.
Për pasojë kanë mbetur të lënduar dy persona, të cilët janë transportuar në spital për ndihmë mjekësore.
“Policia Rrugore e Elbasanit referoi materialet në Prokurori ku nisi procedimi në gjendje të lirë për shtetasin E. D., 21 vjeç, banues në Elbasan, pasi mëngjesin e sotëm, në lagjen “Dyli Haxhire”, me automjetin që drejtonte ka përplasur me motomjetin me drejtues shtetasin Dh. H.. Për pasojë janë dëmtuar shtetasi Dh. H. dhe pasagjeri që udhëtonte me të, në motomjet, të cilët janë në kujdesin e mjekëve, jashtë rrezikut për jetën”, njoftoi policia e Elbasanit.
Aksident i rëndë në Lezhë-Shëngjin, makinat përplasen kokë më kokë, dy të plagosur
Një aksident i rëndë ka ndodhur ditën e sotme në aksin rrugor Lezhë-Shëngjin, ku dy automjete janë përplasur me njëra-tjetrën. Si pasojë e përplasjes janë plagosur dy drejtuesit e tyre.
Këta të fundit janë dërguar menjëherë për ndihmë mjekësore në spitalin rajonal të Lezhës dhe ndodhen jashtë rrezikut për jetën.
Policia ka mbërritur në vendngjarje dhe ka nisur hetimet për shkaqet dhe për zbardhjen e dinamikës së aksidentit.
