Aksident në aksin Levan-Tepelenë/ Përmbyset kamioni me agrume, lëndohet shoferi

Një kamion i ngarkuar me portokalle dhe mandarina, tip ‘Volvo’, ka dalë nga rruga dhe është përmbysur për shkaqe ende të paqarta.

Si pasojë e aksidentit, ka mbetur i lënduar drejtuesi i mjetit, shtetasi O. Rr., i cili është transportuar me ambulancë drejt spitalit për ndihmë mjekësore. Burime nga spitali bëjnë me dije se ai ndodhet jashtë rrezikut për jetën.

Ndërkohë, pasagjeri O. Sh. nuk ka pësuar dëmtime.

Në vendngjarje kanë mbërritur shërbimet e Policisë, zjarrfikësja dhe grupi hetimor, të cilët po punojnë për zbardhjen e shkaqeve dhe rrethanave të aksidentit.

Aksident në aksin Lezhë - Shkodër/ Përplasen automjetet, plagosen 2 italianë dhe 1 shqiptar

Një aksident rrugor ka ndodhur në aksin Lezhë – Shkodër, në afërsi të kryqëzimit të Gjadrit, ku janë përplasur dy automjete.

Një prej automjeteve ka dalë nga rruga dhe ka përfunduar në një parcelë pranë saj.

Si pasojë e aksidentit janë plagosur tre persona: dy shtetas italianë dhe një shqiptar. Të plagosurit janë dërguar për ndihmë mjekësore në Spitalin Rajonal të Lezhës.

Policia rrugore ka nisur hetimet për të sqaruar shkaqet dhe rrethanat e aksidentit, ndërsa nga aksidenti u krijua trafik i rënduar përgjatë superstradës.

Aksident në aksin Cërrik - Belsh/ Automjeti përplas të moshuarën në vijat e bardha

Një aksident rrugor ka ndodhur ditën e sotme në aksin Cërrik - Belsh.

Sipas raportimeve, një automjet ka përplasur një të moshuar që po kalonte rrugën në vijat e bardha.

E plagosura është dërguar në spital për ndihmë mjekësore, pasi raportohet se ka marrë plagë të rënda. Policia po punon për zbardhjen e plotë të rrethanave të aksidentit.