Zbardhen detaje nga aksidenti në Fushë Krujë/ Do të kryenin një ngjarje kriminale! Autorët tentuan t’i arratiseshin policisë, por u përplasën

Mësohet se makina tip “Audi”, ku udhëtonin shoferi dhe viktima, nuk i ka ndaluar patrullës së policisë, duke ikur me shpejtësi.

Për këtë arsye, uniformat blu i janë vënë nga pas mjetit, i cili nga shpejtësia e lartë ka humbur kontrollin dhe është përplasur me bordurën e rrugës. Burime nga vendngjarja bëjnë me dije për se gjatë kontrollit në mjet policia ka gjetur doreza dhe maska.

Gjithashtu ka rezultuar se makina ka pasur të mbivendosur një targë tjetër. Të gjitha këto detaje kanë hedhur dyshime të forta te policia se dy personat që udhëtonin me “Audi-n” do të kryenin një ngjarje kriminale, grabitje ose vrasje.

Aksident në aksin Thumanë-Fushë Krujë, humb jetën pasagjeri, plagoset rëndë shoferi

Një aksident i rëndë është regjistruar mëngjesin e sotëm, në aksin e vjetër Thumanë-Fushë Krujë.

Dyshohet se dy persona janë përshirë në një grabitje, pasi gjatë kontrollit i janë gjetur edhe doreza.

Burimet bëjnë me dije se në tentativë për tu larguar automjeti ka dalë nga rruga, duke i shkaktuar vdekjen pasagjerit, ndërsa ka mbetur i plagosur rëndë shoferi.

Gjithashtu mësohet se viktima dhe drejtuesi i mjetit janë banorë të Fushë-Krujës.

Sakaq policia është duke kryer kontrolle në zonë, për të zbardhur shkaqet e ngjarjes.