Makina përplas të miturin në aksin Fushë Krujë-Kamëz, shoferi largohet nga vendngjarja. 12-vjeçari dërgohet në spital

Policia raporton se aksidenti ka ndodhur rreth orës 13:30, ku automjet tip “Benz”, në pronësi të shtetasit me iniciale E. B., ka aksidentuar 12 vjeçarin, dhe më pas është larguar nga vendi i aksidentit.

“Më datë 04.10.2023, rreth orës 13:30, në aksin rrugor Fushë Krujë-Kamëz, dyshohet se një automjet tip “Benz”, në pronësi të shtetasit E. B., ka aksidentuar një të mitur 12 vjeç, dhe më pas është larguar nga vendi i aksidentit”, njofton policia.

Mësohet se i mituri është dërguar në spital për ndihmë mjekësore, nërkohë grupi hetimor po punon për sqarimin e rrethanave të aksidentit.

Aksident në aksin Fier-Patos/ Përplasen dy makina, njëra përfundon në kanal

Një aksident ka ndodhur pak mesditën e sotme (4 shtator) në aksin rrugor Fier- Patos në vendin e quajtur Portëz.

Dy automjete janë përplasur me njëri- tjetrën dhe si pasojë një prej tyre ka përfunduar në kanalin anësor të rrugës.

Në vendngjarje kanë mbërritur menjëherë forcat e policisë dhe grupi hetimor për të zbardhur dinamikën e aksidentit, i cili fatmirësisht ka pasur vetëm dëme materiale.