Aksidenti me dy viktima/ Arrestohet shoferi, që drejtonte kamionin e ushtrisë

Ai drejtonte një kamion të Forcave të Armatosura, i cili u përplas me një kamionçinë.

Kjo shkaktoi vdekjen e shoferit të kamionçinës dhe të pasagjerit që ishte me të.

“Në vijim të informacionit paraprak të dhënë ditën e djeshme, për aksidentin e ndodhur në aksin rrugor “Gjirokastër-Tepelenë”, në vendin e quajtur “Kthesa e Viroit”, informojmë se në vijim të veprimeve hetimore, specialistët e Sektorit të Policisë Rrugore arrestuan në flagrancë shtetasin 54 vjeçar, banues në Tiranë, për veprën penale “Shkelja e rregullave të qarkullimit rrugor””, thekson policia.

Aksident në aksin Milot-Fushë Krujë, makina përplas për vdekje këmbësorin

Një aksident me vdekje është shënuar mbrëmjen e së hënës në segmentin e autostradës Milot-Fushë Krujë pranë fshatit Bushnesh.

Një automjet ka përplasur për vdekje një këmbësor i identifikuar si Gentjan Gjergji, rreth 36 vjeç.

Drejtuesi i automjetit është shoqëruar në komisariat për veprime të mëtejshme procedurale.

Nuk dihen ende shkaqet e aksidentit ndërkohë që policia dhe grupi hetimor ndodhen në vendngjarje.

Aksident i rëndë në Fier/ Përplasen dy automjete, ndërron jetë çobani. Mbi 30 krerë bagëti të ngordhura

Një aksident i rëndë ka ndodhur mbrëmjen e kësaj të hëne në fshatin Suk 1 në Fier.

Mësohet e dy automjete janë përplasur me njëri-tjetrin, duke lënë të vdekur një çoban.

Ndërkohë, raportohet se dy drejtuesit e automjeteve janë plagosur rëndë dhe janë shoqëruar për në spital nga dy autoambulanca.

Ndërsa, në rrugë janë mbi 30 krerë bagëti të ngordhura.

Njoftimi i policisë:

Rreth orës 18:00, në aksin rrugor Berat-Roskovec, në fshatin Suk 1, automjeti me drejtues shtetasin Q. M., është përplasur me automjetin me drejtues shtetasin K. A.

Paraprakisht dyshohet se shkak i aksidentit është bërë ndërprerja e rrugës nga disa bagëti të imëta.

Si pasojë e përplasjes ka ndërruar jetë shtetasi F. G, i cili po kalonte bagëtitë e imëta në rrugë, ku disa krerë bagëti kanë ngordhur, po si pasojë e përplasjes.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.

Përplasi për vdekje me makinë këmbësorin në Thumanë, arrestohet 22-vjeçari

Ka përfunduar në prangat e policisë 22-vjeçari që përplasi për vdekje këmbësorin 36-vjeçarin mbrëmjen e së hënën në fshatin Thumanë.

“D. S., 22 vjeç, pasi mbrëmjen e djeshme, në fshatin Thumanë, me automjetin që drejtonte, ka përplasur shtetasin G. Gj., 36 vjeç, këmbësor, i cili për pasojë humbi jetën”, thuhet në njoftimin e policisë.

Ndërkohë, materialet procedurale i kaluan Prokurorisë, për veprime të mëtejshme.