Automjeti përplaset me motorin në Libonik, një i lënduar

Automjeti përplaset me motorin në Libonik, një i lënduar

Një aksident ka ndodhur mëngjesin e së enjtes në kryqëzimin e Libonikut, të njohur si një nga “njollat e zeza” për policinë e qarkullimit rrugor.

Sipas informacioneve paraprake, bëhet e ditur se një automjet është përplasur me një motor e për pasojë ka mbetur i lënduar drejtuesi i këtij të fundit.

I lënduari ndodhet jashtë rrezikut për jetën ndërsa po punohet për zbardhjen e rrethanave të aksidentit. 

Aksident në Paskuqan, ML-ja përplaset me furgonin, radhë të gjata trafiku

Një aksident është regjistruar pasditen e sotme në zonën e Paskuqanit në Tiranë.

Një makinë tip ML është përplasur me një furgon.

Nga informacionet paraprake nuk raportohet për persona të lënduar.

Aksidenti ka shkaktuar radhë të gjata trafiku në zonë.

Aksident në Fier, “Porsche” përfundon në kanal; 

Një aksident raportohet të ketë ndodhur në aksin, Fier-Patos, ditën e sotme. Sipas policisë, M. P., 29 vjeç, duke drejtuar automjetin tip “Porsche” ka dalë nga rruga dhe për pasojë është dëmtuar vet drejtuesi i mjetit.

29-vjeçari ndodhet në spital nën kujdesin e mjekëve. Nga pamjet shihet teksa mjeti ka përfunduar në një kanal.

“Sot rreth orës 14:00, në aksin rrugor Fier-Patos, shtetasi M. P., 29 vjeç, banues në Patos, duke drejtuar automjetin tip “Porsche” ka dalë nga rruga dhe për pasojë është dëmtuar vet drejtuesi i mjetit, i cili ndodhet në spital nën kujdesin e mjekëve.

Grupi hetimor po punon për zbardhjen e shkaqeve të daljes nga rruga”, thuhet në njoftimin e policisë.

Automjeti përplas nga pas traktorin, shoferi i mjetit bujqësor rezulton pa leje drejtimi dhe i dehur

Policia në Elbasan ka vënë në pranga shoferin e një traktori pasi u përfshi në një aksident me një automjet tip “Ford”. Bëhet e ditur se një shofer me iniciale M. H., duke drejtuar mjetin tip “Ford”, ka goditur nga mbrapa traktorin.

Mjeti bujqësor rezultoi se po drejtohej nga një 66-vjeçar pa leje drejtimi, i cili rezultoi edhe i dehur.

Pas aksidentit, 66-vjeçari u largua nga vendi i ngjarjes, por është kapur më vonë nga shërbimet e Policisë. Si pasojë e përplasjes është dëmtuar pasagjerja që ndodhej në automjetin tip “Ford”.

Përplasi një zetor duke i marrë jetën shoferit, arrestohet 41-vjeçari në Gjirokastër

Një person është vënë në pranga për aksidentin me pasojë vdekjen që ndodhi gjatë mbrëmjes në aksin nacional Gjirokastër-Kakavije.

Bëhet e ditur se në pranga është vënë drejtuesi i automjetit tip “Benz”, 41-vjeçari I. M. Ky i fundit u përplas me një zetor duke bërë që drejtuesi që ndodhej në të të humbte jetën. 32-vjeçari, banori i fshatit Kakavijë, nuk mundi t’u mbijetonte lëndimeve.

NJOFTIMI

“Po nga këto shërbime u arrestua në flagrancë shtetasi I. M., 41 vjeç, banues në Gjirokastër, pasi duke drejtuar automjetin tip “Benz”, në aksin nacional Gjirokastër-Kakavije, është përplasur me automjetin zetor me drejtues shtetasin Ll. Ç. dhe si pasojë ka humbur jetën drejtuesi i zetorit.”