Policia thotë se një autobus ka përplasur këmbësoren, e cila është transportuar në spital dhe është në kujdesin e mjekëve.
Drejtuesi i autobusit është shoqëruar në Komisariatin e Policisë Korçë, për kryerjen e veprimeve të mëtejshme procedurale.
Ndërkaq, grupi hetimor është në vendngjarje, ku vijon punën për të përcaktuar shkakun e aksidentit.
Aksidenti me dy të plagosur në aksin Elbasan-Peqin, arrestohet shoferi i kamionit
Policia e Elbasanit ka arrestuar drejtuesin e kamionit që u përplas me dy automjete të tjera në aksin rrugor “Elbasan-Peqin”. Nga përplasja, mbetën të lënduar dy persona, të cilët janë jashtë rrezikut për jetën.
“A. K., 44 vjeç, banues në Durrës, pasi pasditen e djeshme, në aksin rrugor “Elbasan-Peqin”, kamioni që ky shtetas drejtonte është përplasur me 2 automjete të tjera me drejtues përkatësisht shtetasit L. H., 34 vjeç, banues në Vlorë dhe E. P., 45 vjeç, banues në Tiranë.
Si pasojë janë dëmtuar shtetasi E. P. dhe pasagjeri në automjetin e tij, të cilët janë jashtë rrezikut për jetën;”, njofton policia.
Aksident në Fier, dy të lënduar
Një aksident rrugor me pasojë lëndimin e dy personave ka ndodhur mbrëmjen e kësaj të hënë në Fier.
Policia thotë se dy motomjete janë përplasur me njëra-tjetrën.
Ata janë transportuar në spital për ndihmë mjekësore.
Grupi hetimor po punon për sqarimin e plotë të rrethanave dhe shkakut të aksidentit.
Lajmet përkatëse
