Aksident në aksin Elbasan-Peqin. Përfshihen tre makina. Një nga shoferët transportohet drejt spitalit të Traumës, në Tiranë

Mësohet se nga përplasja, drejtuesit e mjeteve kanë shpëtuar pa dëmtime përveç njërit prej tyre i cili ndodhet në spital jashtë rrezikut për jetën.

Ndërkohë ka pasur dëme të konsiderueshme materiale ku trajleri dhe Audi kanë përfunduar jashtë rruge, ndërsa fuoristrada është shkatërruar plotësisht.

Shoferi i trajlerit është vetëdorëzuar në polici dhe po punohet për sqarimin e plotë të shkaqeve të aksidentit.

Elbasan/Informacion paraprak

Në aksin rrugor “Elbasan-Peqin”, janë përplasur automjeti tip “Audi” me drejtues shtetasin L. H., kamioni me drejtues shtetasin A. K., dhe automjeti tip “Benz”, me drejtues shtetasin E. P..

Si pasojë e përplasjes është dëmtuar drejtuesi i automjetit tip “Benz”, shtetasi E. P., i cili është transportuar në spital për ndihmë mjekësore.

Grupi hetimor vijon veprimet në vendngjarje për përcaktimin e rrethanave dhe shkaqeve të aksidentit”, njofton policia.