Përplasen dy makina në Fushë-Krujë, plagosen 4 persona

9 muaj, 1 javë më parë - 27 Prill 2022, opinion
Fushë-Krujë aksident
Fushë-Krujë aksident
Humbi kontrollin dhe u përmbys në një vaskë peshku, vdes 50-vjeçari në Roskovec; Makina përplas për vdekje këmbësorin në Elbasan, shoferi ia mbath

Përplasen dy makina në Fushë-Krujë, plagosen 4 persona

Një tjetër aksident është regjistruar mëngjesin e sotëm në vendin tonë. Policia ka informuar se aksidenti ka ndodhur në aksin rrugor Fushë Krujë-Ura e Gjolës, ku dy automjete janë përplasur me njëri tjetrin.

Mësohet se si pasojë e aksidentit kanë mbetur të lënduar dy drejtuesit e automjeteve dhe dy pasagjerët, të cilët ndodhen nën kujdesin e mjekëve.

“Rreth orës 07:50, në aksin rrugor Fushë Krujë-Ura e Gjolës, një automjet me drejtues shtetasin B. L., është përplasur me automjetin me drejtues shtetasin G. Ll. Si pasojë e përplasjes janë lënduar të dy drejtuesit e automjeteve dhe pasagjeret B. K., dhe K. L., të cilët ndodhen nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit”,-njofton policia.

Humbi kontrollin dhe u përmbys në një vaskë peshku, vdes 50-vjeçari në Roskovec

Një aksident është regjistruar gjatë paradites së sotme në Fier.  Një 50-vjeçar, duke drejtuar mjetin tip motorrkorrëse, është përmbysur në një nga vaskat e peshkut dhe për pasojë ka humbur jetën.

“Sot rreth orës 11:00, në vendin e quajtur “Vaskat e peshkut” Roskovec, shtetasi Y. P., rreth 50 vjeç, duke drejtuar mjetin tip motorrkorrëse, është përmbysur në një nga vaskat e peshkut dhe për pasojë ka humbur jetën.

Grupi hetimor po punon për zbardhjen e rrethanave të ngjarjes”, njofton policia.

Makina përplas për vdekje këmbësorin në Elbasan, shoferi ia mbath

Një aksident i rëndë është regjistruar në orët e para të mëngjesit të sotëm në aksin rrugor Papëe Cërrik.

Paraprakisht bëhet e ditur se në fshatin Valas, një mjet ka aksidentuar shtetasin V.H., 56 vjeç, i cili për pasojë ka ndërruar jetën.

Policia informon se drejtuesi i mjetit është larguar nga vendi i ngjarjes dhe se grupi hetimor po punon për identifikimin dhe kapjen e tij.

“Në orët e para të mëngjesit të sotëm, në aksin rrugor Papër-Cërrik, në fshatin Valas, një mjet me drejtues ende të paidentifikuar, ka aksidentuar shtetasin V. H., 56 vjeç, banues në Cërrik, i cili për pasojë ka ndërruar jetë.

Grupi hetimor po punon për identifikimin dhe kapjen e drejtuesit të mjetit, si dhe për sqarimin e rrethanave dhe përcaktimin e shkakut të aksidentit”,-njoftoi policia./

Support Ukraine