Gjirokastër/ Makina përplaset me mjetin e Ushtrisë, humbin jetën dy persona

1 muaj, 2 javë më parë - 18 Shkurt 2025, opinion
Aksident në aksin rrugor Gjirokastër-Tepelenë, 17.02.2025
Aksident në aksin rrugor Gjirokastër-Tepelenë, 17.02.2025
Një aksident ka ndodhur në aksin rrugor Gjirokastër-Tepelenë, ku një mjet është përplasur me një makinë të ushtrisë dhe si pasojë kanë humbur jetën dy persona.

Policia bën të ditur se automjeti tip “ Volkswagen Cady ” me drejtues 58-vjeçarin P. K., është përplasur me automjetin tip “Mad” (automjet i Ushtrisë), me drejtues 54-vjeçarin B. Gj.

Si pasojë ka humbur jetën drejtuesi i mjetit tip “Volkswagen Cady”, dhe pasagjeri në këtë automjet, ende i paidentifikuar.

“Rreth orës 14:00, në aksin rrugor “ Gjirokastër - Tepelenë ”, në vendin e quajtur “Kthesa e Viroit”, automjeti tip “Volkswagen Cady” me drejtues shtetasin P. K., 58 vjeç, banues në Gjirokastër është përplasur me automjetin tip “Mad” (automjet i Ushtrisë), me drejtues shtetasin B. Gj., 54 vjeç, banues në Tiranë.

Si pasojë kanë humbur jetën drejtuesi i mjetit tip “Volkswagen Cady”, shtetasi P. K., dhe pasagjeri në këtë automjet, ende i paidentifikuar.

Gjithashtu, është dëmtuar lehtë shtetasi B. Gj., i cili po merr ndihmë mjekësore në Spitalin Rajonal Gjirokastër”, njofton policia.

Grupi hetimor vijon punon për sqarimin e rrethanave të aksidentit dhe për identifikimin e pasagjerit që ka humbur jetën.

Aksident në autostradën Tiranë-Durrës/ Pësoi aksident dhe doli në rrugë me 3 pasagjerët, makina përplas për vdekje të riun

Një aksident me pasojë vdekjen e një të riu 28-vjeçar ka ndodhur mëngjesin e sotëm në autostradën Tiranë-Durrës. 

28-vjeçari me iniciale G.M. duke drejtuar automjetin ka humbur kontrollin mbi drejtimin e tij dhe si pasojë, mjeti është përplasur me trafikndarësen. 

Pasi ka dalë nga automjeti bashkë me 3 pasagjerët, gjatë kohës që qëndronin në rrugë, ata janë përplasur nga automjeti me drejtues qytetarin me iniciale I.L. 

Për pasojë, 28-vjeçari ka humbur jetën, ndërsa 3 pasagjerët e automjetit të tij janë dërguar në spital për mjekim.   

“Tiranë/Informacion paraprak 

Rreth orës 05:05, në autostradën “Tiranë-Durrës”, shtetasi G. M., rreth 28 vjeç, duke drejtuar automjetin, ka humbur kontrollin mbi drejtimin e tij dhe si pasojë automjeti është përplasur me trafikndarësen. 

Pasi ka dalë nga automjeti, bashkë me 3 pasagjerët, gjatë kohës që qëndronin në rrugë, ata janë përplasur nga automjeti me drejtues shtetasin I. L. 

Për pasojë, shtetasi G. M. ka humbur jetën, ndërsa 3 pasagjerët e automjetit të tij janë dërguar në spital, për mjekim. 

Shtetasi I. L është shoqëruar në Komisariat, për veprime të metejshme proceduarale”,-njofton policia. 

Grupi hetimor vijon punën për sqarimin e rrethanave të aksidentit. 

Support Ukraine