Aksident në aksin Fier-Lushnje/ Përplasen dy automjete, një i vdekur, tre të plagosur

Burime zyrtare të policisë konfirmuar se si pasojë plagëve të marra nga përplasja ka ndërruar jetë 60 vjecarja Marjana Kovaci, si edhe kanë shkuar në spital për të kryer ekzaminimet, drejtuesja e automjetit dhe 2 pasagjerët e tjerë, të cilët ndodhen jashtë rrezikut për jetën.

Grupi hetimor po punon për sqarimin e plotë të rrethanave dhe shkakut të aksidentit.

Njoftimi i policisë: 

Rreth orës 12:20, në vendin e quajtur “Kryqëzimi i Vajkanit”, automjeti me drejtues shtetasin J. M., është përplasur me automjetin me drejtuese shtetasen L. M., 30 vjeçe, banuese në Laç.

Si pasojë e përplasjes ka ndërruar jetë pasagjerja në automjetin që drejtohej nga shtetasja E. M., shtetasja M. K., rreth 60 vjeçe, si edhe kanë shkuar në spital për të kryer ekzaminimet, drejtuesja e automjetit dhe 2 pasagjerët e tjerë, të cilët ndodhen jashtë rrezikut për jetën.

Grupi hetimor po punon për sqarimin e plotë të rrethanave dhe shkakut të aksidentit.

Digjet një automjet në Bypassin e Vlorës/ Nuk ka të lënduar, dyshohet për defekt teknik

Një automjet është përfshirë nga flakët në bypassin e Vlorës, në segmentin që lidh qytetin me Orikumin. Mjeti, i cili po udhëtonte në drejtim të Orikumit, është përfshirë papritur nga zjarri dhe është djegur plotësisht.

Forcat zjarrfikëse kanë mbërritur menjëherë në vendngjarje, duke bërë të mundur shuarjen e flakëve. Fatmirësisht nuk raportohet për persona të lënduar.

Ndërkohë, grupi i ekspertëve ndodhet në terren dhe po punon për të përcaktuar shkaqet e zjarrit, që dyshohet të ketë nisur si pasojë e një defekti teknik në automjet.

Shkrumbohet automjeti në Levan, vetëm dëme materiale

Një automjet tip Benz është përfshirë nga flakët në Levan. Drejtuesi ka ndaluar dhe dalë nga makina menjëherë, sapo ka vënë re zjarrin.

Për shuarjen e flakëve kanë ndërhyrë zjarrfikësit, megjithatë automjeti ëshhtë shkrumbuar.  Policia dhe ekspertët kriminalistë po hetojnë në vendngjarje për të zbardhur shkaqet e zjarrit.

Aksident në aksin Fier-Patos/ Makina përfundon në kanal, shkak një manovër e gabuar

Dy automjete janë përplasur në aksin rrugor Fier-Patos. Aksidenti ndodhi në afërsi të fshatit Portëz ku një makinë tip “Golf” dhe një tjetër tip “Renault” u përplasën teksa lëviznin në drejtim të kundërt me njëra-tjetrën.

Si pasojë, një prej makinave përfundoi në kanalin anësor të rrugës, me dëmtime të shumta por drejtuesi i mjetit shpëtoi mrekullisht me vetëm disa lëndine të lehta. Shkak dyshohet të jetë bërë një manovër e gabuar e njërit prej shoferëve megjithatë janë ekspertë e policisë rrugore që do të zbardhin rrethanat e aksidentit.

Në vendngjarje mbërriti është një ekip zjarrfikësish për zhvendosjen e automjetit të rënë në kanal.