U përplas nga makina dhe u la në mes të rrugës/ Ndërron jetë gruaja në spitalin e Fierit

Sipas njoftimit të policisë shtetasja u dërgua në spitalin rajonal të Fierit ku ka humbur jetën si pasojë e plagëve të marra.

Grupi hetimor ka nisur punën për të identifikuar shoferin e automjetit që plagosi këmbësoren dhe e braktisi në mes të rrugës pa i dhënë ndihmën e parë. 

Njoftimi i Policisë:

Rreth orës 17:20, në aksin rrugor "Fier-Lushnjë", shërbimet e Policisë kanë konstatuar një shtetase të dëmtuar, dyshohet si pasojë e një aksidenti rrugor, anës rrugës, e cila u transportua me ambulancë në spitalin rajonal të Fierit.

Shtetasja ende e paidentifikuar si pasojë e dëmtimeve të marra ka humbur jetën në spital.

Grupi hetimor po punon për identifikimin e shtetases dhe të automjetit që ka shkaktuar përplasjen me pasojë vdekjen e shtetases ende të paidentifikuar.

Përmbyset mjeti bujqësor në Maliq/ Ndërron jetë shoferi 61-vjeçar

Një 61-vjeçar ka humbur jetën si pasojë e përmbysjes së një mjeti bujqësor në fshatin Moglicë të Maliqit.

Njoftimi i Policisë: 

Rreth orës 18:20, në fshatin Moglicë, Maliq, një mjet bujqësor që  drejtohej nga shtetasi S. Gj., 61 vjeç, në rrethana ende të paqarta është përmbysur.

Si pasojë drejtuesi i mjetit buqësor ka ndërruar jetë.

Grupi hetimor po punon për sqarimin e rrethanave dhe shkakut  të rastit.