Aksident në aksin Levan-Vlorë, makina bien në kanal

Një aksident ka ndodhur në aksin Levan-Vlorë, ku mësohet se  një automjet në të cilin udhëtonin tre persona, ka dalë nga rruga dhe ka rënë në një kanal. 

Policia ndodhet në vendngjarje dhe po punon për sqarimin e plotë të shkaqeve të aksidentit.

Njoftimi i policisë

Vlorë/Informacion paraprak

Sot, rreth orës 16: 17, në autostradë Fier-Vlorë, shtetasi G. A., 48 vjeç, duke drejtuar automjetin tip “Hyndai”, ka humbur kontrollin mbi drejtimin e mjetit dhe mjeti ka dalë nga rruga.

Si pasoje e aksidentit kanë ngelur të dëmtuar 3 pasagjerët shtetasit Q. A, N. A, dhe V. A., të cilët ndodhen në spital, jashtë rrezikut për jetën.

Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.

Sërish aksident/ Makina përplas këmbësorin, i dëmtuari niset me urgjencë drejt Traumës

Një tjetër aksident i rëndë ka ndodhur gjatë mëngjesit të sotëm në Kukës, automjeti tip “Daimler Chrysler “, ka  përplasur një këmbësor.

I dëmtuari po merr mjekim të specializuar në spitalin e Traumës, Tiranë.

Njoftimi i plotë:

Kukës/Informacion paraprak

Sot, rreth orës 09:30, në qytetin e Kukësit,  automjeti tip “Daimler  Chrysler ” me drejtues shtetasin M. S., 39 vjeç,  banues në Krumë, ka  përplasur këmbësorin shtetasin D. Xh.

Si pasojë e aksidentit, është dëmtuar këmbësori shtetasi D. Xh.,  i cili po merr mjekim të specializuar në spitalin e Traumës, Tiranë.

Drejtuesi i automjetit është shoqëruar në Komisariatin e Policisë Kukës, për veprime të mëtejshme.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.

Aksident te ura e ‘Bunës’/ Automjeti përplas një 7-vjeçar, i mituri niset me urgjencë drejt Spitalit

Një aksident ka ndodhur mesditën e sotme pranë urës së vjetër të ‘Bunës’.

Burime për Gazetën Shqiptare bëjnë me dije se një fëmijë 7-vjeç është përplasur nga një automjet, afër xhamisë përtej urës së vjetër, ndërsa drejtuesi është ndaluar nga policia.

Mësohet se i mituri është dërguar me urgjencë në spital, ku fatmirësisht ndodhet jashtë rrezikut për jetën.

Ende nuk dihen shkaqet e plota mbi ngjarjen.