Aksident i rëndë në bypass-in e Vlorës, vdes 24 vjeçari

Sipas policisë, i riu dyshohet se ka humbur kontrollin mbi drejtimin e automjetit tip “Benz” dhe për paasoë është përplasur me pjesën shkëmbore në anë të rrugës.

Për shkak të dëmtimeve, drejtuesi i automjetit ka humbur jetën, ndërsa pasagjeri 23 vjecar që udhëtonte me të është dërguar në spital dhe ndodhet nën kujdesin e mjekëve.

Grupi hetimor ndodhet në vendngjarje dhe po kryen veprimet e mëtejshme në lidhje me sqarimin e rrethanave të aksidentit.

Aksident në Kuçovë/ Humb jetën drejtuesi 55-vjeçar i zetorit

Një aksident ka ndodhur këtë të mërkurë në Kuçovë. Mësohet se një zetor ka dalë nga rruga dhe si pasojë, ka humbur jetën drejtuesi 55-vjeçar.

Ndërkohë, policia ndodhet në vendngjarje, ku po punon për zbardhjen e shkaqeve të aksidentit.

Njoftimi i policisë:

Rreth orës 16:45, në rrugën rurale të fshatit Perondi, Kuçovë, mjeti buqësor zetor që drejtohej nga shtetasi 55 vjeç, ka dalë nga rruga.

Si pasojë e daljes nga rruga, drejtuesi i mjetit, shtetasi ka humbur jetën.

Grupi hetimor po punon për sqarimin e rrethanave dhe shkakut të daljes nga rruga.

Aksident në Thumanë/ Përplasen katër automjete, tre të lënduar

Një aksident rrugor me pasojë lëndimin e tre personave ka ndodhur gjatë natës në aksin Thumanë-Fushë Krujë.

Në aksident janë përfshirë katër automjete. Mësohet se drejtuesi i një automjete me shtetësi të huaj ka goditur barrierat anësore duke përfunduar në sensin tjetër te lëvizjes, në të cilën ka përfshirë dhe tre automjete të tjera.

Të plagosurit janë dërguar për ndihmë mjekësore në Spitalin e Traumës, ndërsa drejtuesi i autoveturës me shtetësi të huaj ndodhet në gjendje të rëndë.