E ngarkuar me mobilje, shkrumbohet kamionçina në autostradën Lushnjë-Fier

1 muaj, 3 javë më parë - 13 Tetor 2022, abcnews
E ngarkuar me mobilje, shkrumbohet kamionçina në autostradën Lushnjë-Fier
Në orët e para të mëngjesit të sotëm një kamionçinë është djegur plotësisht në autostradën Lushnjë-Fier, në afërsi të fshatit Bishqethëm.

Kamionçina që udhëtonte nga Elbasani në drejtim të Fierit ishte e ngarkuar me mobilje.

Drejtuesi i mjetit ka pohuar se ka dëgjuar një zhurmë nga pas dhe ka parë kamionçinën në flakë.

Pavarësisht ndërhyrjes së zjarrfikëses nuk ka shpëtuar asgjë nga kamionçina dhe ngarkesa.

Zjarrfikësit dyshojnë se një shkëndijë elektrike në pjesën e pasme të mjetit e ka shkaktuar zjarrin.

Njoftimi i policisë:

Rreth orës 06:25, në aksin rrugor “Lushnjë-Fier”, dyshohet se si pasojë e një defekti në automjet, ka marrë flakë gjatë lëvizjes, automjeti tip kamion, me drejtues shtetasin S. M., banues në Elbasan.

Nuk ka dëme në njerëz.

Grupi hetimor po punon për zbardhjen e shkakut të rënies së zjarrit.

Support Ukraine