Përplasi 4 vjeçarin që po kalonte rrugën me nënën e tij, e pëson shoferi në Korçë

Ai ka përplasur një 4 vjeçar që po kalonte rrugën me nënën e tij. I mituri ndodhet nën kujdesin e mjekëve jashtë rrezikut për jetën.

“Në vijim të informacionit paraprak të dhënë mesditën e djeshme, për një aksident rrugor në lagjen nr. 8, ju informojmë se në përfundim të veprimeve procedurale, Sektori i Policisë Rrugore referoi materialet në Prokurori, për shtetasin E. B., 41 vjeç, banues në Korçë, për veprën penale “Shkelja e rregullave të qarkullimit rrugor”. Me automjetin që drejtonte, 41-vjeçari ka përplasur një 4-vjeçar që po kalonte rrugen, me nënën e tij. I mituri vijon të jetë në kujdesin e mjekëve, jashtë rrezikut për jetën.”, njofton policia.

Aksident në Rrugën e Arbrit/ Plagoset rëndë një person, transportohet drejt Traumës

Një aksident ka në Rrugën e Arbrit, tek ura që lidh qytetin e vjetër me qytwtin e ri të Bulqizës.

Makina është përplasur me kolonën e mesit të mbikalimit të urës. Drejtuesi i mjetit tip Mercedes ka mbetur i plagosur rëndë dhe është nisur drejt Spitalit të Traumës në kryeqytet.

Burime nga policia bëjnë me dije se aksidenti mund të ketë ndodhur nga humbja e kontrollit dhe shpejtësisë nga ana e drejtuesit të mjetit.

Grupi hetimor po bën veprimet në vendngjarje për të zbardhur dinamikën e aksidentit.

Aksident në Fier/ Automjeti përplaset me motorin, çifti i bashkëshortëve dërgohen me urgjencë në spital

Një aksident ka ndodhur mbrëmjen e kësaj të hëne në aksin rrugor Fier-Libofshë, në fshatin Agim të Fierit pranë një karburanti.

Mësohet se një automjet është përplasur me një motor. Si pasojë, drejtuesi i motorit dhe pasagjerja që udhëtonte me të (çift bashkëshortësh) rreth 65 vjeç kanë pësuar dëmtime dhe janë dërguar me urgjencë në Spitalin Rajonal të Fierit, ku ndodhen jashtë rrezikut për jetën.

Shkak dyshohet të jetë bërë shpejtësia tej normave dhe rruga e pandriçuar.

Ndërkohë, policia ka mbërritur në vendngjarje për të hetuar shkaqet e aksidentit.

Njoftimi i Policisë:

Rreth orës 20:20, në aksin rrugor “Fier-Libofshë”, shtetasi 19 vjeç, duke drejtuar automjetin, ka përplasur një motomjet me drejtues shtetasin dhe pasagjere shtetasen.

Nga përplasja janë dëmtuar shtetasit që udhëtonin me motomjet, të cilët ndodhen në spital për ndihmë mjekësore, jashtë rrezikut për jetën.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Aksident në Lushnjë/ I riu i dehur humb kontrollin e automjetit dhe përplas këmbësorin

Një aksident ka ndodhur në qytetin e Lushnjës. Mësohet se një i ri i dehur ka humbur kontrollin e automjetit dhe ka përplasur një këmbësor.

Si pasojë, 55-vjeçari është dërguar menjëherë në spital, ku po merre trajtimin nga mjekët.

“23 vjeç, banues në Lushnjë, pasi duke drejtuar automjetin, në gjendje të dehur, ka humbur kontrollin dhe ka përplasur me automjet, shtetasin 55 vjeç, këmbësor, i cili ndodhet në spital, jashtë rrezikut për jetën”, thuhet në njoftimin e policisë.

Ndërkohë, materialet procedurale i kaluan Prokurorisë, për veprime të mëtejshme.