Tetëmbëdhjetë persona të plagosur brenda pak orësh! Nga jugu në veri, ja aksidentet që ndodhën sot në mëngjes

Në Rrugën e Kombit, 5 anëtarët e një familje u plagosën, pasi makina me targa serbe me të cilën ata po udhëtonin u përplas me trafikndarësen.

Familja ishte nisur për në plazh, por si pasojë e aksidentit përfundoi në spitalin e Lezhës për të marrë ndihmë mjekësore.
Ndërkohë pak minuta më vonë një tjetër aksident ndodhi në Fier. Rreth orës 07:30 të mëngjesit në vendin e quajtur “Safari park” në Fier u përplasën dy automjete, ndërsa 10 persona u lënduan.

Sipas policisë, dy pasagjerë 25 dhe 56 vjeç ndodhen në spital në gjendje të rendë, ndërsa 2 drejtuesit e mjeteve dhe 6 pasagjerë të tjerë u transportuan në spital për të marrë mjekim dhe për të kryer ekzaminimet e nevojshme.

Në orët e para të mëngjesit në Shkopet ndodhi një aksident i dyfishtë, me dy persona të plagosur.

Ndërsa në qytetin e Korçës një 74-vjeçar me makinë përplasi një tjetër person me motor, i cili u transportua në spital dhe ndodhet jashtë rrezikut për jetën.

Aksident i rëndë në Rrugën e Kombit, makina përplaset me trafik ndarësen, lëndohen 5 anëtarët e një familje mes të plagosurve edhe fëmijë

Një aksident i rëndë raportohet të ketë ndodhur mëngjesin  e sotëm në Rrugën e Kombit.

Mësohet se një makinë me targa Serbie është përplasur me trafik ndarësen dhe ka dalë nga rruga.

burime për median bëjnë me dije se shkak i përplasjes janë plagosur 5 anëtarë të një familjeje, 3 fëmijë dhe burrë e grua.

Të plagosurit janë dërguar në spitalin e Rrëshenit, gruaja ndodhet në gjendje të rëndë. Familja po shkonte me pushime. Policia ndodhet në vendngjarje, ndërsa paraprakisht dyshohet se shkak për aksidentin është bërë shpejtësia, lagështira në rrugë dhe humbje e kontrollit të mjetit.

Aksident në Fier, raportohet për dy të plagosur

Një aksident ka ndodhur mëngjesin e kësaj të diele në hyrje të qytetit të Fierit. Dy automjete janë përplasur me njëra- tjetrën dhe si pasojë e goditjes së fortë janë lënduar drejtuesit e mjeteve.

Në vendngjarje ka mbërritur menjëherë ambulanca e cila ka shoqëruar drejt spitalit rajonal të Fierit të lënduarit të cilët  ndodhen jashtë rrezikut për jetën.

Tjetër aksident, makina në Korçë përplas motomjetin, një i plagosur

Një tjetër aksident ka ndodhur këtë të diel, në unazën e qytetit të Korçës. Mësohet se automjeti tip “Peugeot” me drejtues shtetasin P. V., 74 vjeç, ka përplasur një motomjet me drejtues shtetasin D. H., i cili u dërgua për mjekim në spital, ku ndodhet jashtë rrezikut për jetën.

Me drejtuesin e automjetit po kryhen veprimet e mëtejshme procedurale.

Grupi hetimor po punon për sqarimin e rrethanave të aksidentit.

Tjetër aksident brenda pak orësh, makinat përplasen ‘kokë më kokë’ në Pogradec-Lin

Një tjetër aksident rrugor ka ndodhur këtë pasdite në  aksin nacional Pogradec-Lin në afërsi të fshatit Udënisht.

Burime për Panorama bëjnë me dije se në ngjarje janë përfshirë dy automjete, ku burim për aksidentin është bërë lagështira në rrugë dhe shpejtësia.

 Mësohet se nga kjo përplasje nuk ka të lënduar në njerëz por vetëm dëme materiale.

Kujtojmë se ky është aksidenti i dytë  në vetëm pak minuta në juglindje të vendit që përveçse ka kryer manovra të gabuara dyshohet të kenë ndodhur nga moti i keq që si pasojë sjell lagështinë në rrugë dhe shpejtësia.

Aksidenti i trefishtë në Korçë, detaje nga përplasja mes mjeteve: 4 të plagosur, rrëndohet trafiku 

Një aksident i trefishtë ndodhi mesditën e sotme në aksin nacional Korçë-Pogradec në afërsi të fshatit Gurishtë, ku të plagosur mbetën drejtuesit e mjeteve dhe pasagjerët.

Burime për Panorama bëjnë me dije se të plagosur kanë mbetur 4 persona dhe tre të tjerë janë dërguar për kontroll në spitalin e Korçës.

Siç shihet dhe nga pamjet e siguruara, në zonë ka prezencë të shtuar të policisë ndërsa automjetet e aksidentuara shihen të shpërndara në anë të rrugës.

Aksident i trefishtë në aksin Korçë-Pogradec, plagosen drejtuesit e mjeteve

Një aksident automobilistik ka ndodhur vetëm pak minuta më parë në aksin nacional Korçë-Pogradec në afërsi të fshatit Gurishtë.

Sipas njoftimit zyrtarë nga policia e Korçës bëhet me dije se në aksident janë përfshirë 3 mjete dhe si pasojë  drejtuesit e mjeteve kanë mbetur të dëmtuar.

Sakaq, mësohet se të lënduarit  janë transportuar në spitalin e Korçës, ndërsa gjendja e tyre shëndetësore ende nuk dihet.

Aktualisht policia ndodhet në vendngjarje ku  po punon për të zbardhur shkaqet e aksidentit.