Aksident në aksin rrugor Korçë - Pogradec

Një mjet tip "Porche" është përplasur me një mjet tip "Benz", ku nga përplasja ka mbetur e plagosur një shtetase që ishte pasagjere në mjetin tip "Porche".

Ajo është dërguar me urgjencë drejt spitalit rajonal të Korçës, ku po merr ndihmën mjekësore, jashtë rrezikut për jetën.

Mendohet që gjithçka të ketë ardhur si pasojë e një parakalimi të gabuar.

Policia në vendin e ngjarjes për zbardhjen e rrethanave të rastit.

Aksident në aksin Delvinë–Sarandë, autobusi godet 65-vjeçarin në Bajkaj. Transportohet me helikopter drejt Tiranës

Një aksident i rëndë rrugor është regjistruar pasditen e kësaj të marte në aksin nacional Delvinë–Sarandë, pranë kthesës për në fshatin Bajkaj.

Sipas të dhënave paraprake, në afërsi të një pike karburanti, autobusi i linjës Delvinë–Sarandë, me drejtues Vangjel Zoto, ka goditur 65-vjeçarin Agim Vocka, banor i fshatit Bajkaj, i cili po lëvizte në këmbë.

Pas aksidentit, drejtuesi i autobusit është larguar fillimisht nga vendngjarja, ndërsa më vonë është kapur nga shërbimet e Policisë së Delvinës. Nga testi i alkoolit, drejtuesi ka rezultuar me vlerën 0.00 mg/l.

Në vendngjarje kanë mbërritur shërbimet e Qarkullimit Rrugor të Sarandës, të cilat po punojnë për të përcaktuar rrethanat dhe shkakun e aksidentit, shkruan A2.

65-vjeçari është transportuar fillimisht me ambulancë në Spitalin e Sarandës. Sipas burimeve spitalore, ai ka pësuar traumë të rëndë në kokë dhe gjendja e tij është vlerësuar e rëndë.

Për shkak të gjendjes shëndetësore, është vendosur transportimi i tij me helikopter drejt Spitalit të Traumës në Tiranë për trajtim të specializuar.

Helikopteri është ulur në pistën e Portit të Sarandës, ku 65-vjeçari është transportuar me ambulancë nga spitali dhe më pas është nisur drejt Tiranës. 

Aksident në Fier, transportohet në spital një person

Një aksident ka ndodhur pak minuta më parë në lagjen “Kastriot” të Fierit, pranë shkollës “Janaq Kilica”, ku një automjet është përplasur me një person që lëvizte me biçikletë.

Menjëherë pas njoftimit, shërbimet e Policisë kanë shkuar në vendngjarje, ku kanë konstatuar automjetin tip “Benz”, me drejtues shtetasin E. B.

Drejtuesi i biçikletës është marrë nga ambulanca dhe është transportuar në spital për të marrë ndihmën e parë mjekësore. Sipas të dhënave paraprake, ai është jashtë rrezikut për jetën.

Policia dhe grupi hetimor vijojnë veprimet në vendngjarje për të dokumentuar rrethanat e aksidentit, ndërsa pritet informacioni nga spitali për gjendjen e të aksidentuarit dhe veprimet e mëtejshme procedurale.