Fier/ I riu humb kontrollin e mjetit dhe përfundon në kanal, humb jetën në vendngjarje

Sipaa uniformave blu aksidenti ka ndodhur në fshatin Zhym, Njësia Krutje, në Lushnjë.

I riu ka humbur kontrollon e mjetit dhe për shkak të goditjeve të forta që ka marrë ka humbur jetën në vendngjarje.

”Lushnjë/Më datë 06.08.2024, rreth orës 23:40, në fshatin Zhymë, shtetasi E. K., 29 vjeç, duke drejtuar automjetin, dyshohet se ka humbur kontrollin dhe për pasojë automjeti ka dalë nga rruga.

Nga dëmtimet e marra, shtetasi E. K. ka humbur jetën”, njofton policia.

Grupi hetimor po punon për sqarimin e plotë të rrethanave të aksidentit.

Aksident në Pogradec/ Përplasen dy automjete, 5 të plagosur

Një aksident ka ndodhur ditën e sotme në aksin Pogradec-Qafë Thanë, ku si pasojë kanë mbetur të plagosur 5 persona.

Mësohet se nga përplasja e dy automjeteve janë dëmtuar 2 drejtuesit e makinave dhe 3 pasagjerë të cilët po marrin mjekim në spital.

“Rreth orës 12:00, në aksin “Pogradec-Qafë Thanë”, automjeti tip “Volkswagen” me drejtues shtetasin I. R. është përplasur me automjetin tip “Benz” me drejtues shtetasin P. G.

Nga aksidenti janë dëmtuar 2 drejtuesit e automjeteve dhe 3 pasagjerë në automjetin tip “Volkswagen”, të cilët po marrin mjekim në spital”, njofton policia.

Grupi hetimor po punon për sqarimin e rrethanave dhe përcaktimin e shkakut të aksidentit.