Megjithatë, autoritetet lokale në Shkodër bëjnë të ditur se ky aks rrugor është i kalueshëm, por me goma dimërore.
“Ju informojmë në lidhje me situatën në territorin e Qarkut Shkodër. Gjatë gjithë mbrëmjes dhe aktualisht vijojnë reshjet e shiut në të gjithë territorin, kryesisht me intensitet të ulët.
Nga komunikimi me strukturat e MC të bashkive deri në këtë moment, nuk raportohen situata problematike.
Nga DRV Shkodër informohemi se në segmentin rrugor Hani i Hotit - Vermosh kanë filluar reshjet e dëborës me trashësi rreth 10 cm. Momentalisht ky aks rrugor është i kalueshëm me goma dimërore.
Kontratori është prezent me mjete dhe punëtorë për të mbajtur të hapur këtë aks rrugor.
Nga strukturat e OSHE nuk raportohen situata problematike.
Nga DRUK Lezhë nuk raportohen probleme në infrastrukturën kulluese”, thuhet në njoftimin e Emergjencave në Shkodër.
3 aksidente dhe 5 të plagosur në Pogradec, shkak shpejtësia tej normave
Tre aksidente dhe 5 të plagosur është bilanci i pasdites së sotme në aksin rrugor Pogradec - Qafë Thanë.
Aksidenti më i rëndë me 3 të plagosur ka qenë ai në afërsi të fshatit Hudënisht, ku nga përplasja e dy mjeteve kanë ngelur të plagosur 3 persona, përfshirë dy drejtuesit e mjeteve si dhe një pasagjere, e cila ka qenë në një prej mjeteve të përfshira në aksident. Të tre të plagosurit ndodhen në spitalin e Pogradecit nën kujdesin e mjekëve dhe burimet që vijnë nga ky spital thonë se gjendja e drejtuesve të mjeteve është jashtë rrezikut për jetën, ndërsa pasagjerja në gjendje më të rëndë
Dy të tjerë kanë mbetur të plagosur në aksidentin në afërsi të fshatit Mëmëlisht, ndërsa aksidenti i tretë më dëme materiale ka ndodhur në zbritje të Qafë Thanës.
Sipas policisë, të tre aksidentet kanë ndodhur për shkak të shpejtësisë tej normave të lejuara dhe lagështisë në rrugë
Dy makina përplasen kokë më kokë në aksin Pogradec - Qafë Thanë, disa të plagosur
Një aksident me disa të plagosur ka ndodhur pasditen e sotme në aksin rrugor Pogradec - Qafë Thanë në afërsi të fshatit Udenisht. Gazetari i A2 CNN Artin Halili raporton se dy automjete janë përplasur me njëri-tjetrin kokë me kokë, duke lënë të plagosur disa persona.
Sipas policisë, shkak dyshohet se është bërë lagështia në rrugë dhe shpejtësia tej normave të lejuara.
Ende nuk dihet gjendja shëndetësore e të plagosurve.
Pogradec/Informacion paraprak
Rreth orës 15:30, në aksin rrugor "Korçë-Pogradec", janë përplasur automjeti tip "Benz" me drejtues shtetasin B. Xh. me automjetin tip "Seat" me drejtues shtetasin O. Xh.
Si pasojë e aksidentit janë dëmtuar të dy drejtuesit e automjeteve dhe pasagjeri në automjetin tip "Seat", të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rethanave të aksidentit.
Aksident në Zhelizhan të Lushnjës, plagoset drejtuesi i motorit
Një aksident i rëndë ka ndodhur në kryqëzimin e vetëm të fshatit Zhelizhan, ku një automjet tip Audi me targa AB 764IP është përplasur me një motoçikletë me targa BK 475. Si pasojë e përplasjes, drejtuesi i motoçikletës, Shamet Musaku, ka mbetur i plagosur rëndë dhe është transportuar me urgjencë në spitalin e Lushnjës për trajtim të specializuar.
Policia ka mbërritur në vendngjarje dhe po kryen veprimet procedurale për zbardhjen e plotë të rrethanave të aksidentit. Po ashtu, pritet ndërhyrja e ekspertëve të policisë shkencore për të përcaktuar me saktësi shkaqet e përplasjes.
Sipas burimeve të para, dyshohet se drejtuesi i automjetit tip Audi, Romino Musaku, rreth 30 vjeç, ka qenë nën efektin e alkoolit në momentin e përplasjes. Policia po vazhdon hetimet për të vërtetuar këtë pistë dhe për të marrë masat e nevojshme në përputhje me legjislacionin në fuqi.
Aksident me dy viktima në Fier, autoboti përplas makinën
Një aksident rrugor me pasojë vdekjen e dy personave është regjistruar mëngjesin e së enjtes në aksin rrugor Tepelenë-Fier.
Rreth orës 05:30 shtetasi S. A. duke drejtuar automjetin tip autobot, ka përplasur automjetin tip "Ford", me drejtues shtetasin V. A.
Nga përplasja kanë humbur jetën në vendngjarje drejtuesi i automjetit tip "Ford", V. A. dhe bashkëshortja e tij shtetasja M. A.
Drejtuesi i automjetit tip autobot, shtetasi S. A., dhe pasagjerja që ndodhej në këtë automjet, shtetasja A. A., ndodhen në spital për ndihmë mjekësorë, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
Lajmet përkatëse
