Shoferja humb kontrollin dhe del nga rruga në Korçë – Ersekë, plagoset vetë, gjyshja, nipi dhe mbesa e saj

Nga përplasja kanë mbetur të plagosur lehtë vetë drejtuesja e mjetit, gjyshja e saj dhe nipi e mbesa e saj, të cilët ndodhen në spitalin e Korçës për marrjen e ndihmës mjekësore.

Njoftimi i Policisë së Korçës

“Korçë/Informacion paraprak: Më datë 03.07.2023, rreth orës 18:15, në aksin rrugor Korçë – Ersekë, në afërsi të fshatit Kamenicë, Korçë, shtetasja H. K., rreth 52 vjeçe, banuese në fshatin Starje, Kolonjë, duke drejtuar automjetin tip “Jeep”, dyshohet se ka humbur kontrollin mbi drejtimin e tij dhe automjeti ka dalë nga rruga. Për pasojë janë dëmtuar lehtë drejtuesja shtetasja H. K. (gjyshja) dhe dy shtetas të mitur, pasagjerë në mjet (nipi dhe mbesa e drejtueses), të cilët ndodhen në spitalin e Korçës. Grupi hetimor po punon për përcaktimin e shkakut të daljes nga rruga.”

Makina përplaset me motorin në Tiranë, plagosen dy vëllezër

Një aksident me pasojë dy të plagosur ka ndodhur mbrëmjen e së hënës në Unazën e Madhe të Tiranës, në Sauk.

Policia bën të ditur se automjeti me drejtues shtetasin F. H., është përplasur me motorin me drejtues shtetasin K. J.

Si pasojë e këtij aksidenti kanë mbetur të plagosur shtetasi K. J., 26 vjeç dhe vëllai i tij, shtetasi R. J., 18 vjeç, të cilët ndodhen në spital, nën kujdesin e mjekëve.

Grupi hetimor po punon për sqarimin e rrethanave të aksidentit.

Përplasen një autokombajnë dhe një kamion, bllokohet qarkullimi në aksin Fier-Seman

Një aksident ka ndodhur pasditen e së martës në aksin Fier-Seman ku një autokombanjë është përplasur me një kamion.

Për pasojë, qarkullimi në këtë aks rrugor është bllokuar për 1 km.

Mungesa e sinjalistikës dhe rruga e ngushtë që nuk lejon shkëmbimin e mjeteve të tonazhit të rëndë ka sjellë edhe këtë aksident, i cili ka rezultuar pa pasoja apo të lënduar.

Në vendngjarje ndodhet policia e qarkullimit dhe ajo e rendit pasi është krijuar kaos në trafik, në të dyja kahet e rrugës.