Aksident i rëndë në Rrugën e Arbërit, një viktimë dhe tre të plagosur

Sipas informacioneve paraprake, dy automjete janë përplasur me njëra-tjetrën, duke shkaktuar humbjen e jetës së 55-vjeçarit Halil Gjashi, i cili ka ndërruar jetë në vendngjarje.

Ndërkohë, tre të plagosurit janë transportuar me urgjencë drejt Spitalit të Traumës në Tiranë, ku po marrin ndihmën e nevojshme mjekësore.

Sapo kanë mbërritur dhe po i nënshtrohen ekzaminimeve mjekësore.

Aksidenti i rëndë në Rrugën e Arbërit / Si paraqitet gjendja shëndetësore e tre të plagosurve

Një aksident i rëndë me pasojë vdekjen e një personi dhe plagosjen e tre të tjerëve është regjistruar mesditën e kësaj të diele në Rrugën e Arbërit.

Sipas informacioneve paraprake, dy automjete janë përplasur me njëra-tjetrën, duke shkaktuar humbjen e jetës së 55-vjeçarit Halil Gjashi, i cili ka ndërruar jetë në vendngjarje.

Dy drejtuesit e mjeteve : Xhoni Sallaku dhe Sajmir Cecja, ky i fundit sapo mbërriti te Trauma.

Pra tek Trauma po marrin trajtim 3 të plagosur nga aksidenti. Njëri prej drejtuesve të mjetit, dhe dy pasagjerët.

Aksidentohet për vdekje 62-vjeçari në aksin Korçë-Bilisht, arrestohet drejtuesi i automjetit

Një aksident me pasojë vdekjen e një 62-vjeçari është regjistruar në aksin Korçë – Bilisht.

Mësohet se një mjet ka përplasur këmbësorin, i cili u transportua menjëherë në spital, por fatkeqësisht ka ndërruar jetë nga plagët e marra.

Aksidenti ka ndodhur në fshatin Tren të bashkisë Devoll. Policia ndodhet në vendngjarje dhe po bën zbardhjen e rrethanave.

Drejtuesi i automjetit është arrestuar nga policia.

Përfshihet nga flakët automjeti në aksin Korçë – Ersekë, shpëton drejtuesi

Një automjet është përfshirë nga flakët mesditën e sotme në aksin rrugor Korçë – Ersekë, në afërsi të Qafës së Qarrit.

Sipas informacioneve paraprake, një mjet tip “Benz” ka marrë zjarr gjatë lëvizjes dhe është djegur pothuajse plotësisht. Drejtuesi i automjetit ka arritur të dalë në kohë nga mjeti, pa pësuar lëndime.

Në vendngjarje kanë mbërritur forcat zjarrfikëse, të cilat kanë bërë të mundur vënien nën kontroll dhe fikjen e flakëve.

Shkaqet e rënies së zjarrit nuk janë bërë ende të ditura, ndërsa policia ka nisur veprimet procedurale dhe po punon për zbardhjen e plotë të rrethanave të ngjarjes.