Aksident në aksin Rrilë-Hidrovor/ Humbi kontrollin e motomjetit, vdes drejtuesi 50-vjeçar

Një 50-vjeçar, që udhëtonte me motomjet, ka humbur kontrollin dhe për pasojë është rrëzuar. Drejtuesi i motomjetit ka humbur jetën në vendin e ngjarjes.

Viktima është identifikuar si Shkëlqim Gjoni.

Në vendngjarje kanë mbërritur shërbimet e Policisë dhe grupi hetimor, ndërsa vijojnë hetimet për të zbardhur rrethanat dhe shkaqet e aksidentit.

Aksident në Voskop të Korçës, lëndohen dy pasagjere

Një aksident rrugor është regjistruar në rrugën që të çon drejt Voskopojës, në afërsi të fshatit Voskop.

Mësohet se dy automjete janë përplasur me njëra-tjetrën. Si pasojë e aksidentit kanë mbetur të lënduara dy pasagjere, të cilat janë transportuar drejt Spitalit të Korçës për ndihmë mjekësore.

Sipas informacioneve nga vendngjarja, të dyja të lënduarat ndodhen jashtë rrezikut për jetën.

Në vendngjarje ndodhet policia, e cila po punon për zbardhjen e plotë të rrethanave dhe shkaqeve të aksidentit.

Aksident me vdekje në Tiranë, viktima një 64-vjeçar

Një automjet me drejtues një 42-vjeçar, është përplasur me një motor, i cili drejtohej nga një 64 vjeçar.

Si pasojë e përplasjes, drejtuesi i motorit ka humbur jetën. Ndërkohë, drejtuesi i automjetit është shoqëruar në komisariat për veprime të mëtejshme procedurale.

Grupi hetimor ndodhet në vendngjarje dhe po punon për sqarimin e rrethanave të aksidentit.

Aksident me vdekje në zonën e Don Boskos në Tiranë/ Makina përplas motorin

Një aksident i rëndë rrugor ka ndodhur në zonën e Don Boskos në Tiranë, ku ka humbur jetën një 64-vjeçar.

Mësohet se viktima, i identifikuar si Prend Ndreu, po lëvizte me motor kur është përplasur nga një automjet.

64-vjeçari është transportuar në Spitalin e Traumës, por ka mbërritur pa shenja jete.

Në vendngjarje kanë shkuar shërbimet e Policisë, ndërsa vijojnë hetimet për zbardhjen e rrethanave dhe shkaqeve të aksidentit.

Pritet informacion i mëtejshëm nga Policia lidhur me ngjarjen.