Përplasi me makinë për vdekje këmbësorin dhe e braktisi në mes të rrugës! Arrestohet autori

“Në vijim të dy informacioneve të dhëna mbrëmjen e djeshme, për aksidentin në aksin rrugor “ Pogradec - Qafë Thanë ”, bëjmë me dije se specialistët e Sektorit të Qarkullimit Rrugor kanë kapur dhe ndaluar shtetasin D. J., 29 vjeç, banues në Pogradec“, njofton policia.

Kujtojmë se 29-vjeçari pasi e përplasi këmbësorin me makinë u largua nga vendngjarja dhe braktisi mjetin e tij te stacioni i trenit në Pogradec. Para se të arratisje ai i hoqi targat makinës.

Njoftimi i policisë

Pogradec

Si rezultat i kontrolleve intensive, kapet dhe vihet në pranga 29-vjeçari, i cili pasditen e djeshme, me automjetin që drejtonte, aksidentoi me pasojë vdekjen një 55-vjeçar dhe u largua nga vendi i aksidentit.

Në vijim të dy informacioneve të dhëna mbrëmjen e djeshme, për aksidentin në aksin rrugor “ Pogradec-Qafë Thanë ”, bëjmë me dije se specialistët e Sektorit të Qarkullimit Rrugor kanë kapur dhe ndaluar shtetasin D. J., 29 vjeç, banues në Pogradec.

Shtetasi D. J. dyshohet se dje, rreth orës 18:45, në aksin rrugor “ Pogradec - Qafë Thanë ”, me automjetin që drejtonte, aksidentoi me pasojë vdekjen shtetasin I. M., 55 vjeç, dhe u largua nga vendi i aksidentit, me këtë automjet.

Automjeti i shtetasit D. J. u gjet dhe u sekuestrua në cilësinë e provës materiale.

Materialet procedurale i kaluan Prokurorisë, për veprime të mëtejshme.

Aksident në Qafë-Plloçë! Makina përplas biçikletën, raportohet për një të lënduar

Një aksident rrugor është regjistruar këtë të hënë në Qafë-Plloçë.

Burime për News 24 bëjnë me dije se një makinë ka përplasur një biçikletë.

Nga përplasja ka mbetur i dëmtuar drejtuesi i biçikletës, i cili është transportuar në spitalin e Pogradecit, për fat të mirë jashtë rrezikut për jetën.

Policia ndodhet në vendngjarje për zbardhjen e rrethanave.

Aksident rrugor në afërsi të mbikalimit të Patokut! Raportohet për tre persona të lënduar

Një aksident rrugor ka ndodhur këtë të hënë  pranë mbikalimit të Patokut, ku dy automjete janë përplasur me njëra-tjetrën.

Si pasojë e aksidentit, tre persona kanë mbetur të plagosur dhe po marrin trajtim mjekësor.

Shkaqet e aksidentit ende nuk dihen, ndërsa autoritetet po punojnë për zbardhjen e rrethanave të ngjarjes.