Aksident me një viktimë në Pogradec/ “Citroen”-i bëhet “shoshë”, përmbyset “Benz”-i

Mësohet se 46-vjeçari me iniciale D. Y. është përplasur me makinën e tij "Benz" me një automjet tip "Citroen" që drejtohej nga 58-vjeçari me iniciale Y. M.

“Benz”-i është përmbysur, ndërsa mjeti “Citroen”-i është bërë “shoshë”.

Për pasojë është plagosur drejtuesi i automjetit tip "Citroen", i cili ndodhet jashtë rrezikut për jetën dhe ka humbur jetën 80-vjeçari me iniciale F. Z., banues në fshatin Çetë, Devoll, pasagjer në këtë automjet.

Shkaku paraprak i aksidentit dyshohet se ka qenë kalimi në korsinë tjetër të rrugës, duke mos mbajtur krahun e duhur të lëvizjes, nga ana e drejtuesit të automjetit tip "Benz" shtetasit D. Y.

Policia, e cila shkoi menjëherë në vendngjarje po kryen veprimet e mëtejshme procedurale me shoferët.

Ndërkohë, grupi hetimor po punon për sqarimin e plotë të rrethanave të aksidentit.

Makina përplas shtyllën e ndriçimit në rrugë/ Dalin pamjet nga aksidenti

Një tjetër aksident regjistrohet në aksin rrugor Qafë Thanë - Pogradec.

Aksidenti i dytë ka ndodhur në afërsi të ish-stacionit të trenit të Gurit të Kuq ku një mjet tip "Ford" është përplasur fillimisht me murin mbrojtës të një banese në afërsi të rrugës e më pas ka përplasur edhe një shtyllë të ndriçimit.

Në mjet në momentin e aksidentit krahas drejtuesit ka qenë dhe një pasagjer, por për fatin e mirë si njëri dhe tjetri kanë shpëtuar.

Pas aksidentit drejtuesi i mjetit mësohet të ketë deklaruar se kishte shumë orë që udhëtonte dhe përplasja ka ardhur për shkak të pagjumësisë.

Policia në vendin e ngjarjes po heton për shkakun e aksidentit.