Mbi 10 mijë gjoba të vendosura dhe 14 shoferë të arrestuar në një javë në Tiranë
Gjatë javës që lamë pas janë arrestuar 14 shoferë dhe janë vënë 10,394 masa administrative.
Arrestimet u bënë si pasojë e:
- Drejtim automjeti në gjendje të dehur apo në efektin e lëndëve narkotike;
- Shkelje të rregullave të ndryshme të qarkullimit rrugor.
Janë vënë 10,394 masa administrative, disa prej të cilave janë:
- 859 për shpejtësi mbi normat e lejuara.
- 100 për përdorim të celularit gjatë drejtimit të mjetit.
- 33 për përdorim të xhamave të errësuar.
- 70 për mosdhënie përparësi këmbësorëve në vijat e bardha.
- 96 për mosvënie të rripit të sigurimit nga drejtuesit e automjeteve.
- 26 për mosvendosje të kaskës mbrojtëse nga drejtuesit e motomjeteve.
- 211 për parakalime të gabuara.
- 8,640 për parkime të gabuara.
Janë bllokuar 19 automjete për:
- Detyrime të pashlyera;
- Mungesë dokumentacioni
- Verifikime nga Seksioni i Trafiqeve të Paligjshme në DVP Tiranë.
Aksident me vdekje në aksin Lezhë-Laç
Një aksident i rëndë me pasojë vdekjen e një personi është regjistruar këtë mëngjes në Lezhë. Një automjet ka përplasur një këmbësor në aksin Lezhë-Laç dhe si pasojë e plagëve të marra këmbësori ka humbur jetën.
Ngjarja ka ndodhur rreth orës 06:00 të mëngjesit, ndërsa drejtuesi i mjetit është shoqëruar në komisariatin e Policisë Lezhë. Grupi hetimor po punon për zbardhjen e rrethanave.
