Aksidentet e urbaneve në Tiranë, policia aksion “blic”,15 shoferë i nënshtrohen..

6 ditë, 13 orë më parë - 10 Maj 2022, opinion
Aksidentet e urbaneve në Tiranë, policia aksion “blic”,15 shoferë i nënshtrohen..
Tre aksidentet e ndodhura brenda 1 jave në Tiranë me autobusët e transportit publik kanë bërë që policia të ndërmarrë aksione blic për evidentimin e ndëshkimin e drejtuesve të mjeteve që kryejnë shkelje agresive.

Uniformat blu bëjnë me dije se 15 shoferë i janë nënshtruar testit të alkoolit, me qëllim parandalimin e aksidenteve rrugore dhe për t’iu siguruar qytetarëve, një transport sa më të sigurtë.

Aksion blic dhe kontrolle të befasishme në mjetet e transportit publik, për evidentimin e ndëshkimin e drejtuesve të mjeteve që kryejnë shkelje agresive.

Në këtë kuadër, gjatë 24 orëve të fundit, rëndësi e veçantë i është kushtuar kontrolleve të befasishme të drejtuesve të mjeteve të transportit publik, në linja të ndryshme të autobusëve, në kryeqytet.

Ditën e djeshme i janë nënshtruar testit të alkoolit, 15 drejtues të mjeteve të transportit publik, me qëllim parandalimin e aksidenteve rrugore dhe për t’iu siguruar qytetarëve, një transport sa më të sigurtë.

Policia Rrugore e Tiranës apelon për zbatim me rigorozitet të rregullave të qarkullimit rrugor dhe fton qytetarët që udhëtojnë me mjete të transportit publik apo çdo mjet tjetër, që të denoncojnë në Komisariatin Dixhital dhe në numrin pa pagesë 112, çdo rast të shkeljes së rregullave të qarkullimit rrugor”, njofton policia.