Makina përplas punonjësin e policisë në Korçë, efektivi dërgohet në spital

Makina përplas punonjësin e policisë në Korçë, efektivi dërgohet në spital

Një aksident ka ndodhur në fshatin Lumalas të Korçës.

Gazetarja Lorena Kodra ka bërë të ditur se një automjet ka përplasur një punonjës policie të qarkullimit.

Punonjësi është transportuar drejt spitalit të Korçës dhe ndodhet jashtë rrezikut për jetën.

Ndërkohë drejtuesi i mjetit është ndaluar dhe po shoqërohet në komisariat.

Makina përplas këmbësorin në aksin Gjiri i Lalëzit –Manzë, humb jetën

Një tjetër aksident ka përgjakur rrugët e vendit sot.

Policia bën me dije se Rreth orës 18:40, në aksin rrugor Gjiri i Lalëzit -Manzë, një automjet me drejtues shtetasin R. Sh., ka përplasur këmbësorin shtetasin Sh. V., ku si pasoje e përplasjes ka humbur jetën.

Durrës/Informacion paraprak

Rreth orës 18:40, në aksin rrugor Gjiri i Lalëzit -Manzë, një automjet me drejtues shtetasin R. Sh., ka përplasur këmbësorin shtetasin Sh. V., ku si pasoje e përplasjes ka humbur jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.

Aksident në Elbasan, drejtuesi i motorit përplaset me makinën

Një aksident me pasojë plagosjen e një personi ka ndodhur mëngjesin e sotëm në Elbasan. Ngjarja ndodhi rreth orës 08:05 në qytetin afërsi të stadiumit “Elbasan Arena”. Aksidenti ka ndodhur në rrugën që lidh stadiumin me Unazën Jugore të qytetit të Elbasanit.

Sipas burimeve nga vendngjarja në aksident janë përfshirë një autoveturë dhe një motor dhe nga përplasja mes tyre drejtuesi i motorit ka mbetur i plagosur. Ai ka “fluturuar” në ajër pas përplasjes dhe ka rënë më bordurën e rrugës duke pësuar dëmtime të shumta.

I plagosuri është transportuar për në spital menjëherë, ndërsa policia ka mbërritur në vendngjarje për të zbardhur shkaqet dhe rrethanat e këtij aksident.