Për shkak të mungesës së pastrimit të dëborës, kjo zonë truristike është izoluar.
Trashësia e dëborës ka arritur në 50 centimetra. Prej 3 ditësh, lëvizja është e mundur vetëm për mjete të larta, ndërsa për makinat e zakonshme është e pamundur.
Borëpastrueset kanë pastruar rrugën nga Boga deri afër Qafës së Thorës, por më pas janë larguar, duke lënë pjesën tjetër të rrugës të bllokuar.
Kjo ka sjellë pasoja të rënda për turizmin dhe komunitetin lokal.
Qytetarët kanë anuluar rezervimet për festimet e Krishtlindjes, duke dëmtuar operatorët turistikë dhe bizneset lokale që mbështeten te turistët në këtë periudhë.
Kaos me qarkullimin në Elbasan/ Mijëra automjete bllokohen në trafik
Në rrethrrotullimin e unazës së Elbasanit dhe në atë të Bradasheshit është regjistruar trafik automjetesh mbrëmjen e kësaj të mërkure.
Mësohet se në dalje të Elbasanit ka fluks të rënduar mjetesh.
Mijëra mjete janë bllokuar dhe lëvizja e tyre është shumë e ngadaltë.
Trafiku është shkaktuar nga kthimi i qytetarëve nga juglindja, në drejtim të Tiranës.
Kaosi me qarkullimin në Elbasan është një problem i përsëritur. Ashtu si në sezonin turistik, edhe gjatë festave, lëvizjet në drejtim të Elbasanit, por edhe në drejtim të Tiranës, janë kthyer në një “tmerr” për drejtuesit e mjeteve dhe për qytetarët
Përplasen makinat në aksin Korçë-Pogradec/ Plagosen dy persona
Një aksident është regjistruar në aksin rrugor "Korçë-Pogradec", në afërsi të fshatit Petrushë.
Automjeti tip "Volkswagen", me drejtues shtetasin E. S., është përplasur me automjetin tip "Ford", me drejtues shtetasi Ll. B.
Si pasojë e përplasjes janë dëmtuar 2 pasagjerë në mjetin tip "Volkswagen", të cilët po marrin ndihmë mjekësore në spital dhe janë jashtë rezikut për jetën.
Ndërkohë, grupi hetimor ndodhet në vendngjarje për të zbardhur rethanat dhe shkakun e aksidentit.
Lajmet përkatëse
