Makina përplas për vdekje një person në Lushnje

Mësohet se një 64 vjeçar, duke drejtuar automjetin tip “Volkswagen” ka aksidentuar për vdekje një person ende të paidentifikuar.

Ngjarja ka ndodhur rreth orës 17:40 në fshatin Golem. Drejtuesi i mjetit është shoqëruar në polici ndërsa grupi hetimor po punon për zbardhjen e dinamikës të kësaj ngjarjeje.

Përplasen 6 makina në Rrugën e Kombit

Një aksident rrugor është regjistruar mëngjesin e sotëm në Rrugën e Kombit në afërsi të fshatit Blinisht.

Raportohet se gjashtë automjete janë përplasur me njëra-tjetrën.

Sipas informacioneve nga vendngjarja, si pasojë e aksidentit kanë pësuar lëndime 2 persona, të cilët fatmirësisht, janë jashtë rrezikut për jetën.

Shkak i aksidentit të shumëfishtë dyshohet të jenë bërë prezenca e ngricave në rrugë.

Në vendngjarje shkuan forcat e policisë, ambulanca dhe zjarrfikësja.

Për shkak të përplasjes së mjeteve, qarkullimi në drejtim të Kukësit u bllokua për rreth 1 orë duke shkaktuar radhë të gjata kilometrike.