Aksidenti: Të gjesh vdekjen duke qëndruar në lulishte
Një 51 -vjeçare humbi jetën mbrëmjen e së shtunës, në Lushnje, pasi u godit për vdekje nga një makinë që drejtohej nga një i ri.
Viktima Teuta Aliçkolli ka qenë duke pirë kafe së bashku me djalin dhe bashkëshortin në lokalin e tyre në rrugën kryesore të qytetit, pranë shkollës Skënder Libohova.
Drejtuesi 22-vjeçar i një mjetit ka humbur kontrollin duke dalë nga rruga, e më pas ka përfunduar në lulishten e qytetit.
Në këtë aksident kanë mbetur të plagosur dhe bashkëshorti e djali i viktimës. Policia e Lushnjës ka ndaluar të riun me inicialet A.H..
Nga hetimet e para mësohet se shkak i aksidentit ka qenë dhe shpejtësia e lartë me të cilën po udhëtonte 22 -vjeçari si dhe konsumimi i alkoolit në doza të larta.
Lajmet përkatëse
