Aksidenti në Lushnjë. Rëndohet bilanci, humb jetën 22-vjeçari rrugës për tek Trauma

Po në gjendje të rëndë është edhe 16-vjeçari Alban Doksani, i cili ndodhet nën kujdesin e mjekëve në Qendrën Spitalore të Traumës në Tiranë.

Aksidenti i rëndë ndodhi mbrëmjen e kaluar rreth orës 21:30 në aksin Lushnjë-Fier, ku mjeti ka dalë nga rruga dhe ka përfunduar në kanal.

Si pasojë e përplasjes së fortë humbi jetën në vend 21-vjeçari Jorges Shabani. Dy të plagosurit e tjerë Alteo Shabani, 22 vjeç dhe Alban Doksani, 16 vjeç u transportuan në spitalin e Lushnjës në gjendje të rëndë por më pas u dërguan drejt Traumës. Për shkak të plagëve të marra, 22-vjeçari Shabani ka humbur jetë rrugës.

Tjetër viktimë nga aksidenti në Lushnje, ndërron jetë në spital 22-vjeçari

Është rënduar bilanci i viktimave të aksidentit që ndodhi mbrëmjen e djeshme në aksin rrugor Lushnje–Fier.

Mësohet se një nga të plagosurit, Alteo Shabani, 22 vjeç, nuk ka mundur ti mbijetojë plagëve të marra dhe ka ndërruar jetë në Spitalin e Traumës në Tiranë.

Rreth orës 21:30 vendin e quajtur “Rrethrrotullimi i Kolonjës”, një automjet tip “DAIMLER CHRYSLER” ka dalë nga rruga. Në makinë ndodheshin tre persona, një prej të cilëve, 21-vjeçari Orges Shabani, ndërroi jetë pak pas aksidentit në Spitalin e Lushnjes.

Aksidenti dyshohet të këtë ndodhur si pasojë e mjegullës  ndërkohë mësohet se i plagosuri tjetër i moshës 16 vjeç ndodhet ende në gjendje të rëndë.

Aksidenti në Lushnje, shkon në dy numri i viktimave, ndërron jetën edhe një i ri

Është përkeqësuar bilanci i aksidentit të ndodhur mbrëmjen e kaluar në Lushnje, pasi ka ndërruar jetë edhe një 22-vjeçar.

Aksidenti i rëndë ndodhi në aksin rrugor Lushnje-Fier, në vendin e quajtur “Rrethrrotullimi i Kolonjës”, ku mjeti “Mercedes Benz” doli nga rruga.

Në Spitalin e Lushnjes ndërroi jetë shtetasi J.Sh , 21 vjeç, ndërsa më pas ka ndërruar jetë edhe shtetasi A.Sh, 22 vjeç. Ndërkohe, shtetasi A.D, 16 vjeç, ndodhet në Spitalin e Traumës Tiranë nën kujdesin e mjekëve.