Makina përfundon në greminë, vdes 20-vjeçari/ Mirditë, shoferi dhe një i mitur në gjendje të rëndë për jetën

Si pasojë, shtetasi C. N., rreth 20 vjeç, pasagjer në automjet, ka ndërruar jetë. Ndërkohë, drejtuesi i automjetit, shtetasi A. K., 20 vjeç, dhe pasagjeri tjetër, i mitur, rreth 15 vjeç, janë transportuar me helikopter drejt Spitalit të Traumës në Tiranë.

Grupi hetimor ndodhet në vendngjarje dhe, nën drejtimin e Prokurorisë, po kryen veprimet procedurale për dokumentimin e plotë të rrethanave dhe shkaqeve të aksidentit.

Makina merr para biçikletën, humb jetën i moshuari në Vlorë

Një aksident rrugor ka ndodhur mëngjesin e sotëm në Vlorë, ku  si pasojë një 78-vjeçar ka humbur jetën pasi u përplas nga një automjet.

Ngjarja u regjistrua rreth orës 07:15, në afërsi të ish-Stacionit të Trenit. Sipas Policisë, një 57-vjeçar, banues në Vlorë, ishte duke drejtuar automjetin kur ka aksidentuar të moshuarin, i cili po lëvizte me biçikletë.

I moshuari u transportua për ndihmë mjekësore në Spitalin Rajonal të Vlorës, por pavarësisht ndërhyrjes së mjekëve, ai ndërroi jetë si pasojë e plagëve të marra.

Drejtuesi i automjetit u arrestua në flagrancë, i dyshuar për veprën penale “Shkelja e rregullave të qarkullimit rrugor”.

Grupi hetimor vijon punën për dokumentimin e plotë të ngjarjes, zbardhjen e rrethanave të aksidentit dhe përcaktimin e shkakut të përplasjes.