Aksident në aksin Mirditë/ Makina del nga rruga, plagoset pasagjerja, arrestohet shoferi

Aksident në aksin Mirditë/ Makina del nga rruga, plagoset pasagjerja, arrestohet shoferi

Një aksident është regjistruar në Mirditë. Burime zyrtare bënë me dije se një mjet ka dalë nga rruga dhe për pasojë është plagosur një grua. Burime zyrtare nga policia bënë me dije se në pranga ra shtetasi me inicialet F. Ll., 59 vjeç, banues në Mirditë.

Ky shtetas, duke drejtuar mjetin tip “Benz”, në një rrugë dytësore në Mirditë, ka humbur kontrollin e mjetit dhe ka dalë nga rruga.Për pasojë ka marrë dëmtime pasagjerja në këtë mjet, shtetasja B. D., 55 vjeçe, e cila ndodhet në Spitalin e Traumës Tiranë, nën kujdesin e mjekëve.

Aksident në hyrje të Kuçovës, motori përplaset me makinën, dy të plagosur rëndë

Një aksident është regjistruar sot në hyrje të qytetit të Kuçovës, ndërkohë që flitet për dy plagosur. Ngjarja ndodhi paraditen e sotme në vendin e quajtur si ‘Lapidari’.Mëson se një motor ka goditur nga pas një makinë ‘Golf’ dhe për pasojë dy persona janë plagosur.

Dëshmitarë të ngjarjes, thanë se dy personat që ndodheshin në motor janë plagosur rëndë, pasi kanë rënë në xhamin e parë të mjetit, duke u plagosur rëndë.Si fillim të plagosurit u transportuan në spitalin e Kuçovës dhe më pas në atë të Beratit.

Përplaset nga kamioni, ndërron jetë drejtuesi i biçikletës në Kombinat

Një aksident me pasojë vdekjen e një personi ndodhi sot në Kombinat. Ngjarja ndodhi rreth orës 12:00, në vendin e quajtur “Misto Mame”.

Burime zyrtare nga policia bënë me dije se mjeti kamion me drejtues shtetasin S. D., 51 vjeç, ka aksidentuar një biçiklist ende të paidentifikuar, i cili ka ndërruar jetë në vendngjarje.Vijon puna nga grupi hetimor për sqarimin e rrethanave të aksidentit.

Aksident në Kuçovë/Dy mjete përplasen me njëra-tjetrën, njëri përfundon në kanal. Plagosen rëndë drejtuesit e makinave

Një aksident ka ndodhur mbrëmjen e sotme në hyrje të qytetit të Kuçovës . Dy automjete janë përplasur me njëra-tjetrën, e për pasojë njëri prej tyre ka përfunduar në kanalin në anë të rrugës.

Mjetet, njëri tip “Benz” me targa BR 22 44 B dhe tjetri i tipit “BMw” me targa AA 529 JH, po udhëtonin në sense të kundërta dhe janë përplasur kokë më kokë.

Kanë qenë banorët e zonës ata që kanë nxjerre nga mjeti “Benz” që përfundoi në kanal drejtuesin e tij dhe kanë njoftuar policinë. Si rezultat i aksidentit janë plagosur rëndë dy drejtuesit e mjeteve, të cilët janë transportuar drejt Spitalit Rajonal Berat, ku ndodhen nën kujdesin e mjekëve.

Në vendngjarje kanë shkuar forca të shumta policie që po punojnë për zbardhjen e shkaqeve të aksidentit që paraprakisht mendohet të jetë shkaktuar nga një parakalim i gabuar i mjeteve.

Aksident në Bradashesh/ Po transportonte një të burgosur në gjykatë, furgoni i Burgjeve përplas karrocën me kalë

Një aksident është regjistruar në aksin e rrugës rurale Bradashesh-Kusarth. Mësohet se në aksident është përfshirë një furgon i Drejtorisë së Përgjithshme të Burgjeve, i cili u përplas me një karrocë.

Po ashtu bëhet e ditur se furgoni, i cili transportonte një të burgosur në gjykatë ka përplasur kalin që tërhiqte karrocën.

Kontrolle në akset kryesore të Shqipërisë, arrestohen 9 shoferë, ndëshkohen 1 mijë e 339 të tjerë

Policia e Shtetit ka ushtruar kontrolle në akset kryesore të vendit, kryesisht në Elbasan-Peqin dhe Rinas-Thumanë.Në total janë arrestuar 9 drejtues mjetesh si dhe u ndëshkuan 1 mijë e 339 të tjerë për shkelje të ndryshme.43 leje drejtimi u pezulluan, 395 masa administrative për shpejtësi tej normave të lejuara dhe 65 të tjera për drejtim nën efektet e alkoolit.

NJOFTIMI NGA POLICIA

Policia e Shtetit
Policia Rrugore vijon intensivisht kontrollet dhe monitorimin e qarkullimit të automjeteve, duke përdorur radarë, dronë, mjete të pauniformuara, kamera, aparate fotografike dhe alkooltestues.
Evidentohen dhe ndëshkohen 1339 drejtues mjetesh, për shkelje të ndryshme që janë rrezik potencial për përfshirje në ngjarje rrugore.
Nga monitorimi me dron i kryer nga Njësia Operacionale e Policisë Rrugore, në akset rrugore Elbasan-Peqin dhe Rinas-Thumanë, janë evidentuar dhe ndëshkuar me masa administrative që varionin nga 7.000 deri 10.000 lekë të rinj, 143 drejtues mjetesh që kanë kryer parakalime të gabuara dhe të rrezikshme në rrugë.

Gjatë 24 orëve të fundit, në të gjithë vendin janë konstatuar dhe arrestuar 9 drejtues mjetesh, nga të cilët 6 për drejtim mjeti në gjendje të dehur dhe 3 për drejtim mjeti pa leje drejtimi.

• Janë pezulluar 43 leje drejtimi, nga të cilat 26 për shpejtësi mbi normat e lejuara, që arrinte nga 181 km/h në rrugën interurbane Tiranë-Elbasan deri në 200 km/h në autostradën Levan-Vlorë, 15 për drejtim mjeti nën efektin e alkoolit dhe 2 për qarkullim në sens të kundërt.
• Janë vendosur 395 masa administrative me vlerë deri në 4.000 lekë të rinj, për shpejtësi tej normave të lejuara dhe 65 masa administrative me vlerë 5.000 lekë të rinj (pa masën plotësuese të pezullimit të lejes së drejtimit), për drejtim mjeti nën efektin e alkoolit.

Policia e Shtetit apelon për të gjithë përdoruesit e rrugës në tërësi, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të zbatojnë me rigorozitet rregullat e qarkullimit rrugor.
Të gjitha rrugët nacionale dhe urbane në të gjithë vendin janë të monitoruara me patrulla të lëvizshme të Policisë Rrugore, duke përdorur radarë, dragera, dronë, makina të paloguara, kamera e aparate fotografike♂.
Policia e Shtetit fton qytetarët që të denoncojnë në Komisariatin Dixhital dhe në numrin e emergjencave 112, çdo paligjshmëri.