EMRAT/ Aksident i trefishtë tek kthesa e Rinasit, vdes 32-vjeçari, 3 të tjerë të plagosur! Shkak parakalimi i gabuar

1 muaj, 2 javë më parë - 15 Janar 2024, shqiptarja
EMRAT/ Aksident i trefishtë tek kthesa e Rinasit, vdes 32-vjeçari, 3 të tjerë të plagosur! Shkak parakalimi i gabuar
Tre makina janë përfshirë në një aksident mëngjesin e sotëm në aksin Fushë-Krujë-Vorë dhe për pasojë ka humbur jetën një 32-vjeçar dhe tre të tjerë kanë mbetur të plagosur. Viktima dhe pasagjerët ishin në makinën 'Skoda' e cila u përplas me një kamion e një Benz

TIRANË- Tre makina janë përfshirë në një aksident mëngjesin e sotëm (15 janar 2024) në aksin Fushë-Krujë-Vorë dhe për pasojë ka humbur jetën një 32-vjeçar dhe tre të tjerë kanë mbetur të plagosur.

Sipas policisë së Tiranës aksidenti u shënua rreth orës 07:20 minuta kur te kthesa e Rinasit në drejtim të Fushë-Krujës janë përplasur makina tip ‘Benz’ me drejtues shtetasin A. B., 53 vjeç, automjeti kamion "Volvo", me drejtues Agur Rezuli, 45 vjeç, dhe automjeti tip "Skoda", me drejtues Gëza Rizani, 32 vjeç, nga Kosova.

Dyshohet se 32-vjeçari ka kryer parakalim të gabuar dhe është përplasur me kamionin i drejtuar nga Agur Rezuli i cili lëvizte nga Vora drejt Fushë-Krujës. 

Pas kësaj përplasjeje mjeti tip “Skoda” u përplas dhe me një “Benz” që lëvizte nga Fushë-Kruja drejt Vorës.

Si pasojë e aksidentit ka ndërruar jetë shoferi i Skodës, 32 vjeç, dhe janë dëmtuar 3 pasagjerët që ndodheshin me të, të cilët janë transportuar për në spital.

Dy drejtuesit e mjeteve janë testuar me aparat ‘Drwger’ dhe kanë rezultuar me 0.0 në alkool.

'Më datë 15.01.2024, rreth orës 07:20, te kthesa e Rinasit në drejtim të Fushë-Krujës, janë përplasur automjeti tip "Benz", me drejtues shtetasin A. B., 53 vjeç, automjeti kamion "Volvo", me drejtues shtetasin A. R., 45 vjeç, dhe  automjeti tip "Skoda", me drejtues shtetasin G. R., 32 vjeç.

Si pasojë e aksidentit ka ndërruar jetë shtetasi G. R., dhe janë dëmtuar 3 pasagjerët që ndodheshin me të, të cilët janë transportuar për në spital.

Grupi hetimor ndodhet në vendngjarje dhe po punon për sqarimin e rrethanave të aksidentit.'- njofton policia.

Tre aksidente në Korçë! 15 vjeçari në timon, humb kontrollin e makinës dhe del nga rruga! Pasagjeri i mitur përfundon në spital

Tre aksidente janë shënuar këtë të diel në Korçë.

Njëri prej aksidenteve ka ndodhur pranë degëzimit për në Malin e Moravës. Një 15 vjeçar ka humbur kontrollin e makinës dhe ka dalë nga rruga. Si pasojë është lënduar pasagjeri 13-vjeçar, i cili është dërguar në spital për të marrë ndihmë mjekësore.

"Po këta specialistë referuan materialet në Prokurori ku filloi procedimi penal në gjendje të lirë për një 15-vjeçar, banues në Korçë, pasi në rrugën "Korçë-Mborje", pranë degëzimit për në Malin e Moravës, ky shtetas duke drejtuar automjetin pa leje drejtimi, dyshohet se ka humbur kontrollin e drejtimit të tij dhe automjeti ka dalë nga rruga. Për pasojë është dëmtuar një 13-vjeçar, pasagjer në mjet, i cili ndodhet për mjekim në spital", njofton policia.

Policia njofton se ka vënë në pranga dhe një 18 vjeçar që drejtonte makinën pa leje drejtimi.

“A. Sh., 18 vjeç, banues në Korçë, pasi në lagjen nr. 6, Korçë, u kap duke drejtuar automjetin, pa leje drejtimi”.

Sot është arrestuar është edhe një 40 vjeçar pasi duke drejtuar makinën në gjendje të dehur ka përplasur dy automjete të parkuara.

“T. N., 40 vjeç, banues në Korçë, pasi në lagjen nr. 10, duke drejtuar automjetin në gjendje të dehur, ka përplasur 2 automjete të parkuara, duke shkaktuar vetëm dëme material”.

Aksident në Lezhë, motori përplaset me një mjet! Plagoset 40-vjeçari

Një 40-vjeçar mbeti i plagosur, pasi motoçikleta të cilën drejtonte u përplas me një automjet. Aksidenti ndodhi rreth orës 12 e 30 minuta të së dielës në superstradën Lezhë-Shkodër, pranë lagjes se ish-frutores në Lezhë. Drejtuesi i motoçikletës mori lëndime në kokë dhe u dërgua me urgjencë për ndihmë mjekësore në Spitalin Rajonal të Lezhës, nga ku mësohet se ndodhet nën kujdesin e bluzave të bardha jashtë rrezikut për jetën.

Policia rrugore, e cila mbërriti menjëherë në vendin e ngjarjes, shoqëroi ne komisariat drejtuesin e automjetit qe u përfshi në aksident si dhe nisi hetimet për zbardhjen e shkaqeve dhe rrethanave te ngjarjes.

Ndërkohë nga aksidenti u krijua trafik i rënduar për rreth 60 minuta dhe u desh ndërhyrja e policisë rrugore për normalizimin e lëvizjes përgjatë aksit Lezhë-Shkodër.

Support Ukraine