Aksident i frikshëm në Dimal, makina përmbyset në rrugë, shoferi humb njërin krah

3 muaj më parë - 7 Korrik 2022, abcnews
Aksident i frikshëm në Dimal, makina përmbyset në rrugë, shoferi humb njërin krah
Aksident në Korçë, motori përplaset “kokë më kokë” me një “Benz”; Parkoi automjetin në vijat e bardha, gjobitet me 2 000 lekë polici në Lezhë

Aksident i frikshëm në Dimal, makina përmbyset në rrugë, shoferi humb njërin krah

Një aksident ka ndodhur në fshatin Hinkë në bashkinë Dimal. Një 45-vjeçar që ka qenë duke udhëtuar m3 mjetin Opel Astra, me targa AB 918 GU, ka humbur kontrollin, ka dalë nga rruga dhe është përmbysur.

Si pasojë e përmbysjes së mjetit, Krenar Cjapi mësohet se ka humbur njërin krah në vend dhe është transportuar drejt Spitalit Rajonal Berat, ku ndodhet jashtë rrezikut për jetën.

Në vendngjarje kanë shkuar forca të policisë rrugore dhe ekspertë, që kanë kryer edhe këqyrjen e vendit të ngjarjes.

Sipas policisë, aksidenti është shkaktuar si pasojë e humbjes së kontrollit të mjetit, për shkak të shpejtësisë.

Aksident në Korçë, motori përplaset “kokë më kokë” me një “Benz”; 

Një aksident ka ndodhur pasditen e së mërkurës në Korçë. Bëhet e ditur një një motor është përplasur një automjet tip “Benz”.

Nuk dihen ende rrethanat e ngjarjes dhe nëse ka të lënduar.

Parkoi automjetin në vijat e bardha, gjobitet me 2 000 lekë polici në Lezhë

Një polic në Lezhë është gjobitur pasi në mediat sociale u publikua një foto e automjetit të tij të loguar, të parkuar në vijat e bardha. Pasditen e së mërkurës, shërbimet e Policisë Rrugore të Drejtorisë Vendore të Policisë Lezhë njoftojnë se kanë kryer verifikimet dhe kanë ndëshkuar me 2 mijë lekë gjobë policin në fjalë.

Efektivi është gjobitur për shkeljen rrugore “Ndalimi i qëndrimit dhe pushimit të mjeteve”, parashikuar nga neni 156/1/g i Kodit Rrugor

Gjithashtu, ndaj punonjësit të Policisë, inspektor A. D. njoftohet se ka filluar ecuria disiplinore, për shkelje dhe cenim të imazhit të Policisë së Shtetit, bazuar në Rregulloren e Policisë së Shtetit, miratuar me VKM nr.750, datë 16.09.2015.

Support Ukraine