Aksident në Vlorë/“Range Rover-i” përplas makinën e policisë, plagoset efektivi dhe pasagjeri

Drejtuesi i makinës “Range Rover” ka goditur nga pas makinën e policisë, e cila si pasojë e përplasjes ka bërë dy rrotullime në rrugë.

Si pasojë e këtij aksidenti ka mbetur i plagosur efektivi i policisë dhe pasagjeri që ndodhej në makinë.

“Rreth orës 13:40, në rrugën transballkanike, në vendin e quajtur “Ish-agjencia e vjetër”, automjeti tip “Range Rover” me drejtues shtetasin A. M. është përplasur me automjetin e Policisë Kufitare Vlorë, me drejtues punonjësin e Policisë, shtetasin A. I.

Si pasojë janë dëmtuar punonjësi i Policisë dhe pasagjeri në automjetin që ai drejtonte, shtetasi V. M., të cilët ndodhen në spitalin e Vlorës, jashtë rrezikut për jetën.

Në vendngjarje ndodhet grupi hetimor, i cili po kryen veprimet për sqarimin e rrethanave të aksidentit”, njofton policia.

Grupi i Laert Haxhiut/ Policia sekuestron automjetin e Klea Gjatës

Policia e Lushnjes ka sekuestruar automjetin tip “Mercedes-Benz GLK” në përdorim të Klea Gjatës, vajzës e cila thuhet se është e dashura e Laert Haxhisë.

Klea Gjata u arrestua në kuadër të operacionit “Kurrë mos harro”, si pjesëtare e grupit të Laert Haxhiut.

Makina, që është në pronësi të nënës së Klea Gjatës, u sekuestrua me kërkesë të Prokurorisë së Elbasanit, që udhëheq këtë hetim.

Përveç makinës, asaj iu sekuestrua edhe celularit pasi hetuesit besojnë se mund të zbardhin biseda mes Klea Gjatës dhe Laert Haxhiut nga burgu i Janinës ku po mbahet i arrestuar.

Ishte 39-vjeçari, Artan Tafani, i cili bashkëpunoi me drejtësinë dhe me deklarimet e tij çoi policinë në zbardhjen e 18 ngjarjeve kriminale dhe lëshimin e 16 urdhër-arresteve.