Aksident në mbikalimin e Plepave/ Durrës, përplasen dy makina, pesë të plagosur

Aksidenti është shënuar në mbikalimin e Plepave, ku dy makinat janë përplasur kokë më kokë dhe si pasojë kanë mbetur të plagosuri dy shoferët Ethem Bodoj, Sefer Pata si dhe 3 pasagjerë.

Nga përplasja e fortë, makina e drejtuar nga 61-vjecari Ethem Bodoj, është shkatërruar totalisht, ndërsa të tre pasagjerët bashkë me shoferin që ndodheshin brenda kanë pësuar dëmtie të rënda. Është dashur ndërhyrja e zjarrfikësve për të nxjerrë 4 të plagosurit nga makina tip “Peugeot”.

Ka dyshime se shkak i këtij aksidenti është bërë një parakalim i gabuar në mbikalim nga shoferi 61-vjeçar  I makinës tip “Peugeot” që vinte nga Durrësi në drejtim të Kavajës. Kamioncina e drejtuar nga Sefer Pata 65-vjeca ka përfunduar në krahun tjetër të rrugës.

Në mbikalim është rreptësisht I ndaluar parakalimi, por si duket neglizhenca e sinjalistikës solli aksidentin e rëndë.

Policia po punon për të zbardhur rrethanat e plota të përplasjes ndërsa të dy shoferët pas mjekimit do t’i nënshtrohen edhe testeve të alkoolit nëse kanë qënë të dehur në timon.